काठमाडौं । एम.ए.डब्ल्यु पेट्रो प्रोडक्ट्स प्रा. लि., नेपालको लागि एचपी ल्युब्रिकेन्ट्सका आधिकारिक वितरक, आगामी सिजनका लागि नेपाल प्रिमियर लिग (NPL) को अधिकृत ल्युब्रिकेन्ट पार्टनर बन्ने विशेष साझेदारीको घोषणा गरेको छ । टीयू क्रिकेट मैदानमा आयोजित हस्ताक्षर कार्यक्रममा एम.ए.डब्ल्यु इन्टरप्राइजेज प्रा. लि.का कार्यकारी निर्देशक अंकुर खनाल, महाप्रबन्धक प्रियदर्शी राय तथा नेपाल क्रिकेट संघ (CAN) का सचिव पारस खड्काबीच सम्झौतापत्र आदान–प्रदान गरिएको हो ।
यो साझेदारीले प्रदर्शन र क्षमतामा आधारित दुई क्षेत्र क्रिकेट र इञ्जिन ल्युब्रिकेसनलाई एकसाथ जोडेको कम्पनीले जनाएको छ । क्रिकेट निरन्तरता, धैर्य, शक्ति र सन्तुलनको खेल भएकाले एचपी ल्युब्रिकेन्ट्सको ब्रान्ड दर्शन “Power to Perform” सँग पूर्णतः मेल खान्छ ।
एम.ए.डब्ल्यु पेट्रो प्रोडक्ट्सले नेपालमा तीव्र गतिमा वृद्धि भइरहेको क्रिकेट विकासलाई सघाउन पाएकोमा खुशी व्यक्त गर्दै NPL ले देशभरका दर्शकलाई आकर्षित गर्ने तथा उदाउँदो प्रतिभालाई राष्ट्रिय स्तरमा चिनाउने उत्कृष्ट मञ्च बनेको उल्लेख गरेको छ । विश्वसनीय ल्युब्रिकेसन समाधानका प्रदायकका रूपमा एचपी ल्युब्रिकेन्ट्सले खेलाडी र उपभोक्तामा जोस, प्रदर्शन र निरन्तर प्रेरणा जगाउने लक्ष्य राखेको कम्पनीको भनाइ छ ।
सम्झौतापछि एम.ए.डब्ल्युका प्रतिनिधिहरूले भने, “यो साझेदारी अनुशासन, उत्कृष्टता र उच्च प्रदर्शनका साझा मूल्यहरूको प्रतिविम्ब हो । जसरी एचपी ल्युब्रिकेन्ट्स इञ्जिनलाई उच्च क्षमतामा चलाउन मद्दत गर्छ, त्यसैगरी मैदानमा पूर्ण शक्ति दिएर प्रतियोगिता गर्ने खेलाडीहरूलाई समर्थन गर्न पाउँदा हामी गौरवान्वित छौँ ।”
एम.ए.डब्ल्यु पेट्रो प्रोडक्ट्स प्रा. लि. नेपालमा एचपी ल्युब्रिकेन्ट्सको आधिकारिक वितरक हो, जसले उत्कृष्ट प्रदर्शन, विश्वसनीयता र नवप्रवर्तनका लागि परिचित उच्च–गुणस्तरीय अटोमोटिभ तथा औद्योगिक ल्युब्रिकेन्ट समाधानहरू प्रदान गर्दै आएको छ ।
एचपी ल्युब्रिकेन्ट्स विश्वभर परिचित अग्रणी ब्रान्ड हो, जसका उन्नत ल्युब्रिकेसन प्रविधिहरू विभिन्न भू–भाग, मौसम र चुनौतीपूर्ण स्थितिमा पनि इञ्जिनलाई उत्कृष्ट सुरक्षा, भरपर्दोपन र Power to Perform प्रदान गर्ने उद्देश्यले डिजाइन गरिएका छन् ।
Comments are closed.