पोखरा । ओमविकास तथा देउकुमारी स्मृति प्रतिष्ठानको संयोजकत्वमा मुस्ताङमा टर्किको उन्नत जातको ओखरको विरुवा हस्तान्तरण गरिएको छ । कृषकहरूको माग अनुसार प्रतिष्ठानले समन्वय गरि ओखरका ९१६ विरुवा कृषकहरूलाई हस्तान्तरण गरेको हो ।
प्रतिष्ठानका अध्यक्ष सवी गौचन शेरचनको अध्यक्षतामा विरुवा हस्तान्तरण कार्यक्रम भएको थियो । कार्यक्रममा वोल्दै प्रमुख अतिथि थासाङ गाउँपालिकाका अध्यक्ष बुद्धि शेरचनले प्रतिष्ठानले गरेको कामको प्रसंसा गरे । यस्ता कार्यक्रमले कृषकलाई उत्साह थप्ने तथा व्यवसायी बन्न प्रेरित गर्ने उनले बताए । कृषि ज्ञान केन्द्र मुस्ताङबाट सिफारिस लिएको हुनाले कृषि ज्ञान केन्द्रले कृषकलाई करिव ५० प्रतिशत अनुदान दिने कृषि ज्ञानकेन्द्रका निमित्त प्रमुख प्रकाश वस्ताकोटीले बताए ।
फेनर जातको ओखरबाट कृषकले छिटो आम्दानी लिन सकिने र यस जातको ओखरलाई हिउले पनि असर नगर्ने प्रतिष्ठानका अध्यक्ष सवी गौचन शेरचनले बताइन् । सञ्जिवनी सप्लायर्स नार्गाजुन काठमाडौंमा ओखरका विरुवा पाइने उनले जानकारी दिइन् । प्रति विरुवा मूल्य ७ सय ५० रुपैयाँ पर्छ ।
कार्यक्रममा गाँउपालिकाका उपाध्यक्ष बालकुमारी शेरचन, वडाध्यक्ष नरप्रसाद हिराचन, कृषक ई रामकृष्ण शेरचन लगायतले बोलेका थिए ।
Comments are closed.