पोखरा । काठमाडौंको सतुङगलमा केन्द्रीय कार्यालय रहेको पिक्सल टचको शाखा कार्यालय पोखरामा सञ्चालनमा आएको छ । पिक्सल टचले पोखरामा आइतबारबाट सेवा सुरु गरेको छ । पोखरा शाखा कार्यालयको औपचारिक उद्घाटन छिट्टै हुने कम्पनीका प्रवन्ध निर्देशक सबिन अधिकारीले जानकारी दिए ।
कम्पनीको रिजनल म्यानेजरमा ई. हेमन्त शर्मा नियुक्त भएका छन् । उनले आइतबारबाटै कार्य सुरु गरेका छन् । कम्पनीले नेपालमा डिजिटल सम्बन्धी सम्पूर्ण काम गर्दै आइरहेको छ । डिजिटल बोर्ड, डिजिटल मार्केटिङ, भिडियो वाल डिस्प्ले, एलइडी डिस्प्ले लगायतका सेवा कम्पनीले प्रदान गर्छ । शिक्षा क्षेत्रका लागि प्रयोग हुने गरी स्मार्ट बोर्डको सेवा पनि कम्पनीले प्रदान गर्नेछ ।
सम्पूर्ण सेवा सुविधालाई अब डिजिटल प्रविधिमा अगाडि बढाउने उद्देश्य अनुसार कम्पनी सञ्चालनमा आएको अधिकारीले बताए । विश्वकै उत्कृष्ट ५ भित्र पर्न सफल युनिलुमिनको नेपालको आधिकारिक बिक्रेता पनि पिक्सल टच हो ।
‘नेपालमा पिक्सेल टच एलईडी डिस्प्ले एक डिजिटल प्रदर्शन र सहयोगी प्रदायक हो,’ प्रवन्ध निर्देशक अधिकारीले भने, ‘आउटडोर र इनडोर एलसीडी, एलईडी डिस्प्ले उत्पादनहरू, र कर्पोरेट बैठकहरूको लागि उच्च गुणस्तरको वेबक्याम, माइक एकीकरणको साथ स्पिकरहरूको सेवा पनि हामीले प्रदान गर्नेछौं ।’
पोखरामा पिक्सल टचको शाखा सञ्चालनमा आएपछि कास्कीसहित आसपासका क्षेत्रमा सेवा प्रदान गरिने रिजनल म्यानेजर शर्माले बताए । ‘हाम्रो कम्पनी डिजिटल प्रविधिको क्षेत्रमा अग्रणी छ,’ उनले भने, ‘यो क्षेत्रलाई डिजिटलाइन बनाउन हामीले योगदान पुर्याउनेछौं ।’
Comments are closed.