पोखरा । पोखरामा रहेको प्रतिभा माविले ‘बेस्ट प्लस टु स्कुल अफ द इअर’ अवार्ड प्राप्त गरेको छ । कलेज रिडर्सले जापानमा आयोजित एक कार्यक्रमबीच ‘नेपाल एजुकेशन अवार्ड’ अन्तर्गत प्रतिभालाई उक्त अवार्ड प्रदान गरेको हो ।
विद्यालयका प्राचार्य किरण सापकोटाले उक्त अवार्ड ग्रहण गरेका छन् । अवार्ड ग्रहण गर्दै उनले प्रतिभालाई उत्कृष्ट प्लस टु छनोट गरी अवार्ड प्रदान गरेकोमा आभार व्यक्त गरे । मावि र उच्च मावि मध्येबाट उक्त अवार्डका लागि प्रतिभा छनोट भएको बताइएको छ ।
प्रतिभा नेपालकै उत्कृष्ट विद्यालयहरु मध्येमा स्थापित छ । उत्कृष्ट नतिजा, राम्रो व्यवस्थापन, शैक्षिक गुणस्तर, भौतिक पूर्वाधार लगायतको मापदण्डलाई मूल्यांकन गर्दै प्रतिभालाई उक्त अवार्ड प्रदान गरेको आयोजकको भनाइ छ ।
पोखरा क्षेत्रमा विभिन्न व्यापार तथा व्यवसायमा स्थापित शैक्षिक उद्यमीहरुको लगानीमा सञ्चालित प्रतिभामा वर्षेनी विद्यार्थीको आकर्षण देखिदै आएको छ । प्रतिभाले उत्कृष्ट प्लस टुको अवार्ड प्राप्त गर्नु गौरवको क्षण रहेको अध्यक्ष नारायण पौडेलले बताए ।
Comments are closed.