युवा उद्यामी रमेश खाँण ठकुरी सञ्चालक रहेको जय कालिका प्लाष्टिक उद्योगले जेके ब्राण्डको पानी ट्यांकी उत्पादन गर्दै आइरहेको छ । त्यसैगरी टिडिआर बिजनेश हाउस प्रालि अन्तर्गत तातोपानीको सोलार वाटर हिटर, वाटर फिल्टर, किचन चिम्नी, गिजर , मेसिनरी लगायतका सामान आयात गरी नेपाली बजारमा बिक्री वितरण गरिरहेका छन् । पोखराको लेखनाथमा प्रधान कार्यालय रहेको कम्पनीका उत्पादनहरुका विशेषता, बजारको अवस्था लगायत विविध विषयमा केन्द्रित रहेर प्रवन्ध निर्देशक ठकुरीसँग आर्थिक आवाजले गरेको कुराकानीः
जय कालिका प्लाष्टिक उद्योग प्रा.लि. कस्तो कम्पनी हो ?
जय कालिका प्लाष्टिक उद्योग प्रा.लि.ले २०७३ सालबाट जेके ट्याङ्कको उत्पादन निरन्तर गरिरहेको छ । पोखरा महानगरपालिका ३२ मा उद्योग छ । पानी ट्याङ्की बनाउने गण्डकी प्रदेशकै पहिलो कम्पनी हो ।
कम्पनीद्वारा उत्पादित पानी ट्याङ्कीका विशेषता केके छन् ?
कम्पनीले २ सय लिटरदेखि २ हजार लिटरसम्मका पानी ट्याङ्की उत्पादन गर्दै आइरहेको छ । हरियो, निलो, पहेलो र आवश्यकता अनुसार अन्य रंगका ट्यांकी उत्पादन हुन्छन् । डबल लेयर, ट्रिपल लेयरका ट्यांकी बनाउछौं । फोम ट्याङ्क पनि बनाउदै आइरहेका छौं । भारतको एफडिए एप्रुभ्ड कच्चा पदार्थ प्रयोग गरिरहेका छौं । भारतबाट नै कच्चा पदार्थ आउँछ । खानेपानीको लागि उपयुक्त ट्याङ्की हो ।
मुख्य बजार कुन हो ?
हाम्रो मुख्य बजार गण्डकी प्रदेश नै हो । कास्कीको लेखनाथ, पोखरा तथा गण्डकी प्रदेशका बेनी, बागलुङ, कुस्मा, स्याङ्जा, वालिङ, लमजुङ, गोर्खा, तनहुँ, नवलपुर लगायतका जिल्लामा पु¥याउँछौं । गण्डकी प्रदेश बाहिर पनि विभिन्न जिल्लामा हाम्रो उत्पादन जान्छन् । पाल्पा, चितवन, हेटौंडा, बुटबल, काठमाडौं, भक्तपुर लगायतका स्थानमा बिक्री वितरण गरिरहेका छौं । सुर्खेत, डडेलधुरा, धनगढीबाट पनि माग आइरहेको छ । ढुवानी खर्च धेरै लाग्ने भएका कारण ढुवानी गर्न सकेका छैनौं । बजारमा जेके ट्यांकको माग बढ्दो छ ।
उत्पादन क्षमता र मूल्यको अवस्था कस्तो छ ?
अहिले दैनिक उत्पादन क्षमता ४० हजार लिटर प्रति दिन छ । नयाँ वर्षको शुरुवातसँगै ३० हजार लिटर प्रतिदिन क्षमता थप गर्ने तयारीमा हामी छौं । यससँगै प्रति दिन ७० हजार लिटर क्षमता उत्पादन हुनेछ । ३ हजार र ५ हजार लिटर क्षमताका ट्यांकी पनि उत्पादन शुरु गर्नेछौं । प्रतिलिटर ११ देखि १२ रुपैयाँसम्म रिटेल मूल्य पर्छ ।
तपाईं सञ्चालक रहेको टिडिआर बिजनेश हाउसले केके काम गर्दै आइरहेको छ ?
हामीले टिडिआर बिजनेश हाउस प्रा.लि. पनि शुरु गरेका छौं । यस कम्पनी अन्तर्गत विभिन्न मेसिनरी सामानहरु आयात गर्दै आइरहेका छौं । जसले नेपालमा व्यवसाय गर्न चाहनुहुन्छ उहाँहरुलाई चाहिने मेसिनहरु आयात गरेर उहाँहरु माझ पु¥याउने काम हामीले गरेका छौं । तातोपानीको सोलार वाटर हिटर, वाटर फिल्टर, किचन चिम्नी, गिजरको पनि नेपालका लागि आधिकारिक बिक्रेता हामी हौं । यी सामान भारतको बैंगलोरबाट ल्याउछौं । यसको डिष्ट्रिव्युसन पनि आफ्नै छ । आगामी दिनमा नेपालभरी करिव २५ वटा डिलर पु¥याउने उद्देश्य छ । ग्राहककोे चाहना तथा आवश्यकता अनुसारका मेसिन सप्लाइ गर्ने काम गर्दै आइरहेका छौं ।
सामानमा वारेन्टीको व्यवस्था कस्तो छ ?
सोलार वाटर हिटर १ सयदेखि ५ सय लिटरसम्मका छन् । यसमा ५ वर्षको रिप्लेसमेन्ट ग्यारेन्टी र १५ वर्षको वारेन्टी हुन्छ । ३ लिटरदेखि २५ लिटरसम्मका गिजर छन् । डिजिटल, नन डिजिटल र सेन्सर गरी ३ किसिमका चिम्नी छन् । कोरियन ब्राण्डका वाटर प्युरिफायर फिल्टर छन् । पानी ट्यांकी उत्पादनका लागि भारतीय प्रविधिको प्रयोग गर्छांै । ट्यांकीमा २५ वर्षको वारेन्टी, रिप्लेसमेन्ट भ्यालु जुनसुकै समयमा पनि ५० प्रतिशत रहन्छ । त्यसका साथै टिडिआर बिजनेश प्रा.लि.ले भारत तथा चीनबाट विभिन्न किसिमका मेसिनहरु आयात गरी नेपालमा बिक्री वितरण गर्दै आइरहेको छ । युपिभिसीको झ्याढोका बनाउने मेसिन, सेनिटरी प्याड, टिस्यु पेपर लगायत अन्य मेसिनहरु आयात गरिरहेका छौं ।
दुई कम्पनीमा गरी कति जनालाई रोजगारी प्रदान गर्नुभएको छ ? लगानीको अवस्था कस्तो छ ?
प्लाष्टिक उद्योगमा १० जनाले प्रत्यक्ष रोजगारी पाइरहनुभएको छ । टिडिआरमा ५ जना कार्यरत हुनुहुन्छ । जय कालिकामा ५ करोड रुपैयाँ र टिडिआर १ करोड रुपैयाँको लगानीबाट काम गरिरहेका छौं । लगानी आवश्यकता अनुसार थप हुँदै गइरहेको छ । अन्य कुरा आवश्यकता अनुसार थप हुँदै जान्छ ।
तपाईंको भावी योजना के-के छन् ?
ट्याङ्कीसँगै खानेपानीका पाइपहरु पनि उत्पादन गर्नेछौं । खानेपानीका लागि युपिभिसी, सिभिसी पाइप राख्नेछौं । सम्पूर्ण उत्पादनलाई डिलर मार्फत देशभर पुर्याउने तयारी भइरहेको छ ।
Comments are closed.