‘आरसी कोला’ले कोला इन्डष्ट्रिजमा नयाँ पनको आवश्यकता पुरा गरेको छः सिइओ अर्याल

काठमाडौं । भेन्चुरा बोटलर्स प्रा.लि.का प्रमुख कार्यकारी अधिकृत कविन अर्यालले नेपालमा कोला इन्डष्ट्रिजमा नयाँ पनको आवश्यकता महसुस गरी अमेरिकी ब्रान्ड ‘आरसी कोला’लाई नेपाली बजारमा भित्र्याएको बताएका छन् । कम्पनीले मकवानपुरको मनहरीमा प्लान्ट स्थापना गरी सफ्ट पेय पदार्थ कोलाको उत्पादन सुरु गरिसकेको छ । राजधानी काठमाडौंसहित देशभरका मुख्य शहरमा उत्पादन पुगिसकेको अर्यालले आर्थिक आवाजलाई जानकारी दिए ।

अत्याधुनिक प्रविधिसहितको प्लान्टबाट अन्तर्राष्ट्रिय गुणस्तरमा कुनै कमी नआउने गरी आरसी कोला उत्पादन भइरहेको अर्यालले बताए । कम्पनीले अहिले ६ वटा विभिन्न फ्लेबरमा प्रडक्ट उत्पादन गरिरहेको छ । ‘नेपाली पानीको समिश्रण गरि आरसी कोला उत्पादन सुरू भएको हो,’ उनले भने । सन् १९०५ देखि उत्पादन सुरु गरिएको अमेरिकी मौलिक सफ्ट पेय पदार्थलाई नेपाली बजारमा उपलब्ध गराउन पाउँदा आफूहरु उत्साही रहेको अर्यालले बताए ।

MANASLU

कम्पनीले हालसम्म ७० वटा डिलर नियुक्त गरिसकेको छ । आगामी दिनमा २ सय वटा डिलर नेटवर्क विस्तार गरिने उनले बताए । ‘अहिले ६ वटा फ्लेबर उपलब्ध रहेपनि आगामी दिनमा ८ वटा फ्लेबर नेपाली बजारमा उपलब्ध हुनेछ,’ उनले भने । अन्तर्राष्ट्रिय बजारमा समेत लोकप्रिय रहेको आरसी कोला नेपाली बजारमा लोकप्रिय हुनेमा आफूहरु विश्वस्त रहेको अर्यालकोे भनाइ छ । ‘हामी निकै उत्साही छौं । अहिले कोभिडका कारणले सोचेजस्तो बजार विस्तार नभएपनि आगामी दिनमा यसको बिस्तार बढ्नेछ,’ उनले भने, ‘हामी जहाँ पुगेका छौं त्यहाँबाट राम्रो प्रतिक्रिया पाइरहेका छौं ।’

You might also like

Comments are closed.