काठमाडौं । सामसङले नेपालीहरुको सबैभन्दा ठूलो चाड दशैंलाई लक्षित गर्दै नयाँ उपभोक्ता अफर “दिनदिनै दशैं” सार्वजनिक गरेको छ । यो अफर २०२५ सेप्टेम्बर १ देखि २८ सेप्टेम्बरसम्म अर्थात् एक महिनासम्म लागू हुनेछ । यस अवधिमा नयाँ सामसङ स्मार्टफोन वा ट्याबलेट खरिद गर्ने ग्राहकहरूले आकर्षक उपहार जित्ने अवसर पाउनेछन् ।
सहभागी हुन, ग्राहकले आफ्नो नयाँ सामसङ डिभाइसको सिरियल नम्बर (Serial Number) “Samsung <space> Serial No.” लेखी ३५००१ मा SMS पठाउनुपर्नेछ । सिरियल नम्बर *#06# डायल गरेर सजिलै पत्ता लगाउन सकिन्छ। सफल रूपमा SMS पठाएपछि ग्राहकले तुरुन्तै दर्ता भएको पुष्टिकरण सन्देश प्राप्त गर्नेछन् ।
यो अफर अन्तर्गत हरेक दिन ११ जना विजेताहरू चयन गरिनेछन् । तीमध्ये एकजना भाग्यशाली विजेताले रु. १ लाख बराबरको भाटभटेनी शपिङ भौचर प्राप्त गर्नेछन् भने अन्य १० जनाले रु. १०,००० बराबरको शपिङ भौचर जित्नेछन् । यसरी चाडपर्वको तयारीमा आर्थिक सहजता प्रदान गर्ने उद्देश्यले अफर ल्याइएको हो । सामसङ नेपालका निर्देशक प्रणय रत्न स्थापितका अनुसार, यो अफरले दशैंको उमंगलाई अझ विशेष बनाउनुका साथै ग्राहकसँगको सम्बन्धलाई थप बलियो बनाउनेछ ।
विजेताहरूको सिरियल नम्बर सामसङ नेपालका आधिकारिक फेसबुक पेजहरू www.facebook.com/smartplazanepal र www.facebook.com/IMS.NP मार्फत सार्वजनिक गरिनेछ । “दिनदिनै दशैं” अफर सामसङका आधिकारिक विक्रेताहरू तथा ईकमर्स प्लेटफर्ममार्फत नेपालभर उपलब्ध छ, जसले उपभोक्तालाई सहज रूपमा सहभागी हुने अवसर प्रदान गर्दछ ।
Comments are closed.