पोखरा । कास्की क्षेत्र नं. २ (२) बाट प्रदेश सभा सदस्य उम्मेदवार रहेकी श्रमिक जिसी यतिबेला चुनावी अभियानमा व्यस्त छन् । उनी चुनाव प्रचारप्रसारका लागि आफ्ना शुभेच्छुक, शुचन्तिक एवं समर्थकहरुसँग घरदैलो अभियानमा व्यस्त छन् । यसैक्रममा जिसीले सोमबार पोखरा–११ फुलबारीमा घरदैैलो कार्यक्रम गरेकी छन् ।
घरदैलोका क्रममा स्वतन्त्र उम्मेदवारी जिसीसँग मतदाताले आफूहरुले पाएको दुःख, गुनासाहरु सुनाउने गरेका छन् । पोखरा ११ का मतदाताहरुले राम्रो नेतृत्व नहुँदा तथा जनप्रतिनिधि नहुँदा आफूहरुले बजार क्षेत्रमा बसेर पनि विकासको अनुभूति गर्न नसकेको गुनासो गरे । पोखरा ११ काहुँमा मा खानेपानीको समस्या रहेको र पहिरोको समस्या पनि रहेको स्थानीयले बताए । त्यस्तै फुलबारीका जनताले बजार क्षेत्रमा रहेर पनि खानेपानीको समस्या भोग्नुपरेको भन्दै दुःख व्यक्त गरेका छन् ।
राजनीतिक दलका उम्मेदवारहरुले चुनावका समयमा आकर्षक प्रतिबद्धता गर्ने तर चुनाव जितेपछि सबै प्रतिबद्धता भुल्ने गरेको स्थानीयले जिसी समक्ष गुनासो गरे । स्वतन्त्र उम्मेदवारप्रति आफूहरुको विश्वास रहेको र मंसिर ४ को निर्वाचनमा जिसीले समर्थन गर्ने घरदैलोका क्रममा स्थानीयले बताएका छन् ।
उक्त अवसरमा बोल्दै उम्मेदवार जिसीले आफूले जनताको आवश्यकता अनुसार काम गर्ने प्रतिबद्धता व्यक्त गरेकी छन् । गाउँदेखि शहरसम्म स्वतन्त्र उम्मेदवारप्रति मतदाताको आकर्षण देखिएको र त्यो आकर्षण मंसिर ४ गतेसम्म नै कायम रहने उनले बताइन् । ‘समृद्ध गण्डकी प्रदेश निर्माणमा मैले आफ्नो ठाउँमा महत्वपूर्ण भूमिका निर्वाह गर्नेछु,’ उनले भनिन्, ‘भोट माग्ने मात्र होइन, काम गरेर देखाउने मेरो अठोट रहेको छ ।’
Comments are closed.