पोखरा । मंसिर ४ गते हुने आसन्न प्रदेश सभा निर्वाचनका लागि कास्की क्षेत्र नं. २ ‘ख’ बाट उम्मेदवारी दिएकी स्वतन्त्र उम्मेदवार श्रमिक जि.सी.ले परिवर्तनका लागि अब युवाको नेतृत्व हरेक क्षेत्रमा आवश्यक रहेको बताएकी छन् । परिर्वतनका लागि हरेक क्षेत्रमा युवा नै अगाडि आउनुपर्ने उनको भनाइ छ ।
कास्की क्षेत्र नं. २ ‘ख’ अन्तर्गतका युवाहरुसँगको भेटघाटका अवसर बोल्दै उनले आफू पनि युवा नेतृत्वको पक्षमा रहेको बताइन् ।
फिनल्याण्डमा हरेक क्षेत्रमा युवाहरुको नेतृत्व स्वीकार गरिएको उदाहरण दिदै जि.सी.ले नेपालमा पनि परिवर्तन चाहने हो भने युवा नेतृत्व सबैले स्वीकार गर्नुपर्ने धारणा राखिन् ।
‘युवाहरुमा नयाँ सोच र योजनाहरु रहेका हुन्छन् । जुन योजना मैले पनि फरक शैलीमा अगाडि सारेकी छु,’ उनले भनिन् ।
Comments are closed.