पोखरा सडक महोत्सवः नयाँ वर्षको रंगीन पर्व

अंग्रेजी नयाँ वर्षको अवसरमा पोखरामा आयोजना हुन लागेको २७ औं संस्करणको पोखरा सडक महोत्सवमा म सम्पूर्ण स्वदेशी तथा विदेशी पाहुनालाई हार्दिक आमन्त्रण गर्दछु । नयाँ वर्षलाई उत्साह, उमंग र खुसीका साथ मनाउन हामी सबैलाई सडक महोत्सवमा स्वागत गर्न आतुर छौं । पोखरा सडक महोत्सव केवल उत्सव मात्र होइन, पोखराको पहिचान र गौरवसँग जोडिएको एक महत्वपूर्ण कार्यक्रम हो । सडक महोत्सवमा बालबालिका, सेफ, युवा, परिवार, आन्तरिक तथा बाह्य पर्यटकलाई लक्षित गरी विभिन्न मनोरञ्जनात्मक तथा सिर्जनात्मक प्रतियोगिताहरू आयोजना गरिनेछन् ।

सांस्कृतिक कार्यक्रम, लाइभ संगीत, खानाका विविध परिकार, खेलकुद तथा मनोरञ्जनात्मक गतिविधिले महोत्सवलाई अझ आकर्षक बनाउनेछन् । यसले सबै उमेर समूहका दर्शकलाई सहभागी हुन प्रेरित गर्ने विश्वास लिएका छौं । पोखरामा निरन्तर रूपमा हुँदै आएको सडक महोत्सवले आफ्नो छुट्टै गरिमा र पहिचान निर्माण गर्न सफल भएको छ । अंग्रेजी नयाँ वर्ष मनाउनका लागि अहिले पोखरा र पोखरा सडक महोत्सव आन्तरिक तथा बाह्य पर्यटकको पहिलो रोजाइ बन्दै गएको छ । सुरक्षित, व्यवस्थित र रमाइलो वातावरणमा नयाँ वर्ष स्वागत गर्न सबैलाई २७ औं पोखरा सडक महोत्सवमा सहभागी हुन हार्दिक आग्रह गर्दछु ।