टेम्पल ट्री रिसोर्टद्वारा विद्यार्थीलाई न्यानो कपडा तथा शैक्षिक सामग्री प्रदान

पोखरा । पोखरमा रहेको टेम्पल ट्री रिसोर्टले  विद्यार्थीलाई न्यानो कपडा तथा शैक्षिक सामग्री प्रदान गरेको छ ।

पोखराका विभिन्न सामुदायिक विद्यालयमा अध्ययनरत विपन्न वर्गका  ३ सय ३५ जना विद्यार्थीलाई न्यानो कपडा तथा शैक्षिक सामग्री वितरण गरेको रिसोर्टले जनाएको छ । रिसोर्टले सामाजिक उत्तरदायित्व अन्तर्गत पोखरा १७ मा रहेको गोनेसा संस्थासँग सहकार्य गरि विद्यार्थीलाई न्यानो कपडा तथा शैक्षिक सामग्री हस्तान्तरण गरेको हो ।

कार्यक्रममा रिसोर्टका अध्यक्ष वसन्त गौतम, प्रवन्धक जिन्ना जिन्टी तथा रिसोर्टमा कार्यरत व्यवस्थापकिय तहका कर्मचारीको उपस्थिती रहेको थियो ।

You might also like

Comments are closed.