पोखरा । दुई पाँग्रे सवारी साधन टिभिएसको लागि पोखरामा नयाँ डिलर नियुक्त भएको छ । स्क्वायर मोटर्स पोखरा क्षेत्रको लागि टिभिएसको डिलर नियुक्त भएको हो ।
पोखराको नयाँबजारस्थित साबिककै डिलरमा शोरुम रहने गरी नयाँ व्यवस्थापनबाट टिभिएसको बिक्री वितरण सुरु भएको हो । युवा व्यवसायी आदर्शमान श्रेष्ठ र बिनोज पोटेले शोरुम सञ्चालनमा ल्याएका हुन् ।
यस अगाडि विभिन्न व्यापार व्यवसायमा आबद्ध उनीहरुले टिभिएसको शोरुम सञ्चालनमा ल्याउँदै ग्राहकलाई सन्तुष्ट बनाउने गरी सेवा प्रदान गर्ने प्रतिबद्धता जनाएका छन् । बिक्री पछिको सेवालाई प्राथमिकतामा दिदै टिभिएसका ग्राहकहरुको हितमा काम गर्ने उनीहरुको भनाइ छ ।
बिगतमा भन्दा पोखरा क्षेत्रमा टिभिएसप्रति ग्राहकको आकर्षण अझै बढ्नेमा आफूहरु विश्वस्त रहेका अध्यक्ष आदर्शमान श्रेष्ठले विश्वास व्यक्त गरे ।
मनसुन एक्स्चेन्ज क्याम्प अफर सुरु
यसैबीच टिभिएस शोरुम पोखरामा ‘मनसुन एक्स्चेन्ज अफर’ सुरु भएको छ । असार ११ गते सुरु भएको अफर असार १६ गतेसम्म नयाँबजारस्थित शोरुममा चल्नेछ ।
अफर अन्तर्गत टिभिएस खरिद गर्दा ग्राहकले नगद छुट लगायत विविध लाभ लिन सक्नेछन् । ६ हजार रुपैयाँ स्योर सट नगद छुट हुनेछ । एक्स्चेन्जमा पुरानो मोटरसाइकल तथा स्कुटरको मूल्यमा थप ६ हजार रुपैयाँमा मूल्यांकन गरिनेछ । मासिक किस्ता ३ हजार ९ सय ९९ रुपैयाँ मात्रै तिर्ने गरी अफर अन्तर्गत टिभिएस खरिद गर्न सकिनेछ । हेल्मेट, ब्याग कभर, ब्याग लगायत आकर्षक उपहारको व्यवस्था पनि गरिएको कम्पनीले जनाएको छ । ‘अफर अवधिभर टिभिएस खरिद गरी विशेष छुटको लाभ लिन सकिनेछ,’ अध्यक्ष श्रेष्ठले भने ।
Comments are closed.