काठमाडौं । भेष्पा र अप्रिलिया स्कुटर खरिदमा इटाली घुम्न जाने अवसर पाउन सकिने भएको छ । अथवा एउटा भेष्पा स्कुटर जित्न सकिनेछ । दसैं, तिहार तथा छठलाई लक्षित गरी भेष्पा र अप्रिलियाको बिक्रेता डेल्टा अटोकर्प प्रा.लि.ले ल्याएको अफर अन्तर्गत बम्पर उपहारमा ४ रात ५ दिनको इटाली भ्रमणको अवसर एक जना भाग्यमानी ग्राहकले पाउनेछन् । अथवा एउटा भेष्पा स्कुटर लिन सक्नेछन् ।
त्यसैगरी अफर अन्तर्गत भेष्पा र अप्रिलिया खरिदमा १० हजार रुपैयाँ नगद छुट पाउन सकिने कम्पनीले जनाएको छ । साप्ताहिक उपहारमा आकर्षक मोबाइल जित्न सकिने बताइएको छ । त्यस्तै कुनै पनि पुरानो स्कुटर वा मोटरसाइकल एक्स्चेन्ज गर्दा १० हजार रुपैयाँ थप मूल्यांकन गरिनेछ । अथवा शुन्य प्रतिशत ब्याजदरमा फाइनान्स सुविधा लिन सकिनेछ ।
चाडपर्वलाई लक्षित गरी ल्याइएको यो उपहारबाट धेरै ग्राहकहरु लाभान्वित हुने कम्पनीले विश्वास लिएको छ । देशभरका शोरुममा यो अफर लागु हुनेछ ।
प्रिमियम सेगमेन्टमा नेपाली बजारमा भेष्पा र अप्रिलिया लोकप्रिय छन् । धेरैको रोजाईमा यो स्कुटर पर्दै आएको छ ।
यसैबीच, नयाँ अप्रिलिया एसआर १६० नेपाली कम्पनीले हालैमात्र भित्र्याएको छ । उक्त स्कुटर पनि देशभरका शोरुममा उपलब्ध छ । यो स्कुटर प्राविधिक रुपमा अत्याधुनिक इ–गेट इन्जिनले सुसज्जित छ ।
Comments are closed.