काठमाडौं । विश्वप्रसिद्ध प्रविधि कम्पनी शाओमीले आफ्नो नयाँ स्मार्टफोन शाओमी १५टी नेपालमा सार्वजनिक गरेको छ । लाइकासँगको सहकार्यमा तयार गरिएको क्यामेरा र प्रिमियम हार्डवेयरका कारण यो स्मार्टफोन दैनिक प्रयोग र मूल्यअनुरूप उत्कृष्ट विकल्प साबित भएको छ ।
शाओमी १५टी को सबैभन्दा उल्लेखनीय विशेषता यसको बहुपयोगी क्यामेरा सेटअप हो । ५० मेगापिक्सेलको मुख्य क्यामेरामा अप्टिकल इमेज स्टेबलाइजेशन (OIS) र लाइका क्यामेराका कलर प्रोफाइल प्रयोग गरिएको छ, जसले फोटो खिच्दा प्राकृतिक र जीवन्त तस्विर सुनिश्चित गर्छ। यसले महँगो फ्ल्यागशिप फोन बिना पनि दैनिक फोटोग्राफीका लागि पर्याप्त क्षमता प्रदान गर्दछ ।
स्मार्टफोनमा १२ जीबी र्याम र ५१२ जीबी स्टोरेज रहेको छ। उच्च क्षमता र्यामले स्मूथ मल्टिटास्किंग सम्भव बनाउँछ भने ठूलो स्टोरेजमा हजारौं तस्बिर, भिडियो र ठूला गेम फाइलहरू सुरक्षित गर्न सकिन्छ । डिजाइन र बनोटमा शाओमी १५टी हल्का प्लास्टिक फ्रेममा तयार गरिएको छ, वजन १९४ ग्राम मात्र छ र आईपी६८ प्रमाणपत्रले पानी र धुलो प्रतिरोधी बनाउँछ। फोन कालो, खैरो र रोज गोल्ड रंगमा उपलब्ध छ, सबैमा आकर्षक मेटालिक फिनिश छ ।
६.८३ इन्चको OLED डिस्प्ले १.५ के रेसोलुशन र १२० हर्ट्ज रिफ्रेश रेटसहित आएको छ। ३,२०० निट्सको उज्यालोपनले घाममा पनि स्क्रिन सजिलै हेर्न सकिन्छ । HDR10+ र डोल्बी भिजन सपोर्टले भिडियो र मुभी हेर्दा उत्कृष्ट अनुभव दिन्छ । ५,५०० mAh ब्याट्रीले मध्यमदेखि भारी प्रयोगमा पनि पूरा दिन चल्छ। ६७ वाट चार्जिङ मार्फत करिब ५० मिनेटमा पूर्ण चार्ज सम्भव छ ।
स्मार्टफोनमा डुअल सिम, डुअल–ब्यान्ड वाइफाइ, पूर्ण पोजिसनिङ सिस्टम, NFC, कन्ट्याक्टलेस भुक्तानी र 5G नेटवर्क सपोर्ट उपलब्ध छ । सुरक्षा र सेन्सर सुविधामा अप्टिकल इन–डिस्प्ले फिङ्गरप्रिन्ट, फेस अनलक, एक्सेलेरोमिटर, जाइरोस्कोप, ई–कम्पास, आईआर ब्लास्टर लगायतका सेन्सरहरू छन् ।
१२ जीबी र्याम र ५१२ जीबी स्टोरेज भेरियन्टको मूल्य रु. ६४,९९९ निर्धारण गरिएको छ । नेपालभरका शाओमी अधिकृत बिक्रेता र रिटेल नेटवर्कमार्फत उपलब्ध शाओमी १५टी मा ४०% डाउन पेमेन्टमा ९ महिनासम्मको सहज किस्ता सुविधा पनि उपलब्ध छ, जसले धेरै प्रयोगकर्ताका लागि यसलाई पहुँचयोग्य बनाउँछ ।
Comments are closed.