एक्सपेंग एरोहटको ‘ल्यान्ड एअर क्राफ्ट क्यारीअर’ ले बनायो कीर्तिमान रेर्कड

काठमाडौं । भविष्यको गतिशीलता (Future Mobility) लाई नयाँ परिभाषा दिँदै, चीनको अग्रणी प्रविधि कम्पनी XPENG को फ्लाइङ कार विभाग XPENG AEROHT ले आफ्नो क्रान्तिकारी मोडल ‘Land Aircraft Carrier’ का ६०० अर्डर मध्यपूर्व बजारमा प्राप्त गरेको घोषणा गरेको छ । यो उपलब्धि स्मार्ट र दिगो यातायात प्रविधिको यात्रामा एक ऐतिहासिक माइलस्टोन बनेको कम्पनीले जनाएको छ ।

यो घोषणा दुबईमा आयोजना गरिएको ‘International Appreciation Event’ मा गरिएको हो, जहाँ XPENG AEROHT ले ‘Land Aircraft Carrier’ को पहिलो सार्वजनिक मानवीय उडान प्रदर्शन पनि गरेको थियो । यस सफल प्रदर्शनले XPENG लाई विश्वव्यापी स्तरमा भविष्यको गतिशीलता क्षेत्रमा अग्रणी नवप्रवर्तक कम्पनी को रूपमा स्थापित गरेको छ ।

कम्पनीका अनुसार, हालसम्म XPENG का विश्वभरका अर्डर ७,००० युनिट नाघिसकेका छन् । यसले कम्पनीको अत्याधुनिक प्रविधि, भरपर्दोपन र दूरदर्शी दृष्टिकोणप्रति बढ्दो अन्तर्राष्ट्रिय विश्वासलाई स्पष्ट रूपमा देखाएको छ ।

उक्त कार्यक्रममा XPENG ले आफ्नो नयाँ विश्वव्यापी ब्रान्ड ‘ARIDGE’ सार्वजनिक गरेको थियो। साथै, कम्पनीले चीनको ग्वाङ्जाउमा अत्याधुनिक फ्लाइङ कार उत्पादन प्लान्ट निर्माण सम्पन्न भएको घोषणा पनि गर्‍यो । सो प्लान्टमार्फत कम्पनीले २०२६ देखि व्यावसायिक उत्पादन सुरु गर्ने योजना बनाएको छ ।

XPENG ले विश्वव्यापी रूपमा आफ्नो उपस्थिति विस्तार गर्दै जाँदा, यो उपलब्धिले कम्पनीको नवप्रवर्तन, भरपर्दोपन र इन्टेलिजेन्ट डिजाइनप्रतिको प्रतिबद्धतालाई अझ मजबुत बनाएको छ ।

नेपालमा पनि XPENG का उत्पादनहरूले तीव्र लोकप्रियता हासिल गरिरहेका छन् । विशेषगरी XPENG6 जस्ता प्रिमियम इलेक्ट्रिक सवारी साधनहरू मार्फत कम्पनीले नयाँ मापदण्ड स्थापित गरेको छ । नेपाली उपभोक्ताहरू अहिले सडकमा XPENG का अत्याधुनिक सवारी अनुभव गरिरहेका छन् र निकट भविष्यमा आकाशमा समेत उड्ने नयाँ युगको यात्रामा सहभागी हुन तयार छन् ।