काठमाडौं । सिएफमोटो र जिहो स्कुटरको नेपालका लागि आधिकारिक वितरक ऋषि ट्रेड सेन्टरले आफ्नो प्रिमियम टु–ह्विलर ईभी जीहो खरिद गर्ने ग्राहकका लागि फेस्टिभ अफर ल्याएको छ ।
‘दसैंं तिहार जिहो जिन्दगीको बहार’ अफरअन्तर्गत कम्पनीले जिहो एई६ प्लस, एई४ र एई८ मोडलको नगद खरिदमा ३० हजार नगद छुट दिने जनाएको छ । त्यसैगरी, एक्सचेन्जमार्फत खरिद गर्दा २५ हजार थप मुल्यांकन तथा फाइनान्स सुबिधामा खरिद गर्दा शून्य प्रतिशत ब्याजदर रहने बताइएको छ । साथै बम्पर उपहारमा एकजना भाग्यशाली बिजेताले बाली भ्रमणको अवसर पाउने छन् ।
प्रिमियम ईभी ब्रान्डका रुपमा परिचित जीहो स्कुटरमा मोडल अनुसार फरकफरक विशेषता छन् । जसअनुसार, एई६ प्लस मोडल अर्बान राइड कन्सेप्टमा आधारित स्कुटर हो भने एई४ फेमिली कन्सेप्टमा आधारित मोडल हो ।
द्रुत गतिमा हाक्न सकिने एई४ को पिक पावर १२ हजार ५०० वाट छ भने यसमा ४.४ किलोवाट आवरको लिथियम आयन ब्याट्री जडान गरिएको छ । यस स्कुटरमा लिक्विड कुल्ड मोटर, जिहो राइड एप, क्रुज कन्ट्रोल, रिभर्स गियर, स्लोप हिल असिस्ट र एन्टि थेप्टको साथै ब्रेम्बो ब्रेकिङ सिस्टम जडान गरिएको छ, जसले शानदार राइडको साथै सुरक्षित यात्राको अनुभुती दिलाउने कम्पनीले जनाएको छ ।
जीहो ब्रान्डका स्कुटरको बिक्री र बिक्री पछिको सेवालाई सहज बनाउन ऋषि ट्रेड सेन्टरले काठमाडौं उपत्यकाका विभिन्न स्थानमा शोरुम र सर्भिस सेन्टर विस्तार गरेको छ । कम्पनीले हाल, नक्साल, झम्सिखेल र सल्लाघारीमा शोरुम सञ्चलान गरिरहेको छ भने कालोपुल र सल्लाघारीमा सर्भिस सेन्टर स्थापना गरेको छ ।
Comments are closed.