काठमाडौं । ग्लोबल रिचको आयोजनामा नेपालका विभिन्न सहरमा अष्ट्रेलियन एजुकेशन एक्जिव्यूसन हुने भएको छ । उच्च शिक्षा अध्ययनका लागि अष्ट्रेलिया जान चाहने विद्यार्थीलाई मध्यनजर गर्दै एक्जिव्युसनको आयोजना गर्न लागिएको हो ।
एक्जिव्यूसन काठमाडौंको होटेल एभरेष्टमा २३ जुलाईमा बिहान १० देखि अपराह्न ४ बजेसम्म हुनेछ । एक्जिव्यूसन पोखरामा पनि हुने भएको छ । पोखराको न्यूरोडमा रहेको सिटी स्क्वायर बैंक्युटमा जुलाई २१ मा बिहान १० बजेदेखि दिउँसो ३ बजेसम्म हुनेछ । चितवनमा पनि एक्जिव्युसन हुनेछ । जुुलाई २२ मा भरतपुर गार्डेन रिसोर्टमा बिहान १० बजेदेखि ३ बजेसम्म हुने ग्लोबल रिचले जनाएको छ ।
एक्जिव्युसनमा अष्ट्रेलियाका विभिन्न उत्कृष्ट कलेज तथा युनिभर्सिटीका प्रतिनिधिलाई विद्यार्थीले प्रत्यक्ष रुपमा भेट्न पाउने छन् । विद्यार्थीको क्षमता, स्तरको आधारमा छात्रवृत्तिको विभिन्न अवसरका बारेमा पनि जानकारी प्रदान गरिनेछ ।
एक्जिव्युसनमा विभिन्न कोर्ष तथा विषयका बारेमा विद्यार्थीले जानकारी प्राप्त गर्न सक्ने छन् । विद्यार्थीलाई भर्ना प्रक्रिया, फि स्टक्चरलगायतका बारेमा जानकारी प्रदान गरिनेछ ।
Comments are closed.