पोखरा । बिवाईडीका गाडीका लागि पोखरा क्षेत्रको आधिकारिक बिक्रेता प्लग इन अटोमोबाइल प्रालि र प्राइम सहकारी संस्था लि. पोखराबीच सहकार्य गर्ने सम्झौता भएको छ ।
सम्झौतासँगै सहकारीका सदस्यले बिवाईडी गाडी खरिदमा विशेष छुट पाउने भएका छन् ।सम्झौता पत्रमा सहकारीका अधिकृत सुनिल थापा र निबर्तमान अध्यक्ष निदेश कोइरालाले हस्ताक्षर गरेका छन् ।
सहकारीका सदस्यले नगद छुट, एक्स्चेन्ज बोनस, फ्रि एसेसरिज, फ्रि रोड ट्याक्स (एक वर्षका लागि) र आकर्षक उपहार प्राप्त गर्ने सम्झौता पत्रमा उल्लेख छ । इन्धनको खपत कम गर्न र विद्युतीय गाडीलाई प्रोत्साहन गर्न सम्झौता गरिएको सहकारीका व्यवस्थापक निरु थापाले जानकारी दिइन् ।
पुरानो गाडी एक्स्चेन्जमा पनि आकर्षक छुट प्रदान हुने बताइएको छ । बिवाइडी गाडी खरिद गर्दा सदस्यहरुले सरल रुपमा सहकारीबाटै कर्जा लिनसक्ने व्यवस्था गरिएको थापाले जानकारी दिइन् ।
कास्की जिल्ला कार्यक्षेत्र रहेको सहकारीले सेवामुखी कार्यमा अगाडि बढिरहेको थापाले बताइन् । सहकारी कृषितर्फ बाख्रापालन व्यवसायमा सक्रिय छ ।
बिवाइडीका लागि नेपालको आधिकारिक बिक्रेता साइमेक्स् इन्क प्रालि हो ।
Comments are closed.