काठमाडौं । साताको पाँचौ दिन सेयर बजार परिसूचक (नेप्से) उच्च अंकले घटेको छ । आज नेप्से आज ३८ दशमलव ६१ अंकले घटेर २ हजार १ सय ४८ दशमलव १६ विन्दुमा झरेको छ ।
आज दुई सय १५ वटा कम्पनीको ८५ लाख ६९ हजार कित्ता सेयर किनबेच हुँदा तीन अर्ब ७६ करोड ८० लाख रुपैयाँको कारोबार भएको छ । आज सबैभन्दा धेरै शिवम् सिमेन्ट्सको २५ करोड २२ लाख रुपैयाँको सेयर किनबेच भएको छ ।
आज सबै समूहको सेयर घटेकोमा व्यापार, विकास बैंक, जलविद्युत्, उत्पादन र लघुवित्त समूहको सेयर उच्च अंकले ओरालो लागेको छ । युनाइटेड मर्दी हाइड्रोको शेयर साढे ९ प्रतिशतभन्दा धेरैले घटेको छ।
त्यस्तै हिमाल दोलखा हाइड्रो, साल्ट ट्रेडिङ र विशाल बजार कम्पनीको सेयर ५ प्रतिशतभन्दा धेरैले घटेको छ।
Comments are closed.