पोखरा । रेष्टुरेण्ट एण्ड बार एसोसिएसन अफ नेपाल (रेवान) पोखराको आयोजनामा २४औं सडक महोत्सवको तयारी पुरा भएको छ ।
‘सडकमै खाऔँ, सडकमै नाचौँ, सडकमै रमाऔँ’ भन्ने नाराका अङ्ग्रेजी नयाँ वर्ष २०२३ कोअवसरमा यही पुस १३ देखि १७ गतेसम्म पोखरामा आयोजना हुन लागेको ‘२४औँ पोखरा सडक महोत्सव’को तयारी पुरा भएको आयोजकले सोमबार पत्रकार सम्मेलन गरी जानकारी दिएका छन् ।
रेवान पोखराको आयोजनामा हुन लागेको उक्त महोत्सव पाँच दिनसम्म जारी रहने छ ।यस महोत्सवका प्रमुख आकर्षणहरु राष्ट्रिय तथा अन्तर्राष्ट्रिय कलाकारहरुको साँस्कृतिक कार्यक्रम, नेपालका लोपन्मुख साँस्कृतिक कार्यक्रम, अन्तर्राष्ट्रिय स्तरका विभिन्न खानाका परिकार, मनोरन्जनात्मक खेलकुदका कार्यक्रम, सहासिक पर्यटक खेलकुद वृत्तचित्र प्रदर्शन लगायतका कार्यक्रम समेत रहेको छ ।
त्यसैगरी, जनजातिहरुको साँस्कृतिक कार्यक्रमहरु, विभिन्न जिल्लाहरुका कला, संस्कृति, भेषभूषा र हस्तकलाका सामग्रीहरुको प्रदर्शन, लोकदोहोरी गीत प्रतियोगिता, ख्यातिप्राप्त पप ब्याण्डहरुको प्रस्तुति, बालउद्यान, विभिन्न पिङ, जादुगर लगायत महोत्सवका आकर्षण रहेका छन् ।
Comments are closed.