काठमाडौं– राष्ट्रिय स्वतन्त्र पार्टीका सभापति तथा सासंद रवि लामिछानेले नागरिकता बारेमा पटक पटक मुद्दा दर्ता गरिएको भन्दै हैरान भएको बताएका हुन् । पटक पटक नागरिकताका विषयमा आफूमाथि मुद्दा हालिनुले इरिटेट भएको बताउँदै उनले आक्रोश पोखेका हुन् ।
बिहीबार बिहान अफ्नो फेसवुकको वालमा एक स्टाटस लेख्दै मुद्दा हाल्नु र मुद्दा हाल्ने उद्योग चलाउनु दुई अलग कुरा भएको र यसबाट आफू दिक्क भएको लेखेका हुन् । लामिछानेको नागरिकता सम्बन्धी विषयमा फेरि सर्वोच्च अदालतमा अधिवक्ता युवराज सफलले मुद्दा बुधबार दर्ता गराएपछि रविले यस्तो स्टाटस लेखेका हुन् । आर्कोशित हुँदै उनले लेखेका छन्, ‘मुद्दा हाल्नु र मुद्दा हाल्ने उद्योग चलाउनु दुई अलग कुरा हुन् । मान्छेलाई इरिटेट गर्ने पनि सिमा हुन्छ।’
उक्त सवाललाई स्टाटसमा उनले घण्टी बजाउन मिल्ने मात्र नभइ घण्टीले बजाउन पनि मिल्छभन्दै ४ वटा बुँदामा स्पष्टीकरण दिएका छन् ।
१. सर्वोच्च अदालतको मिती २०७९–१०–१३को फैसलाको प्रकरण नं.२२, २८ र ३२ मा मैले अमेरिकी नागरिकता परित्याग गरेको तथ्य कन्फर्म गरेको छ।
२. अमेरिकी नागरिकता त्यागेको सक्कल निस्सा जिप्रका काठमाडौमा पेस गरि नेपाली नागरिकता पुन कायम गराएको छु ।
३. अदालतले झिकाउनु भनेको अमेरिकी राहदानीको सक्कल निस्सा मैसँग भएकाले मिति २०८०–०२–९ मा सर्वोच्च अदालतमा बुझाइसकेको छु। यसको जानकारी र सक्कल बमोजिम नक्कल मिती २०७५–०३–०६ मा अध्यागमनलाई सप्रमाण बुझाइसकेको थिए। टेलीभिजनबाट घोक्रो सुक्ने गरि सप्रमाण बोलीसकेको थिए।
४. घण्टीलाई बजाउन मात्र होईन घण्टीले बजाउन पनि मिल्छ।
Comments are closed.