कजारिया रमेश टायल्सको डिलर्स मीटमा एक सय भन्दा बढी डिलर सहभागी

काठमाडौं । कजारिया रमेश टायल्स लिमिटेडले काठमाडौं म्यारियट होटलमा आफ्नो डिलर्स मीट आयोजना गरेर महत्त्वपूर्ण उपलब्धि हासिल गरेको छ । कार्यक्रममा नेपालभरिबाट एक सय भन्दा बढी डिलरले सहभागीता जनाएका हुन् ।

कजारिया सिरेमिक्स लिमिटेड इंडियाका संयुक्त प्रबन्ध निर्देशक चेतन कजारिया र ऋषि कजारियाले डिलरसँग सम्वाद गर्दै डिलरसँगको सम्बन्धलाई अझ मजबुत बनाउन भविष्यमा पनि यस्ता कार्यक्रम आयोजना गर्ने योजना रहेको बताएका छन् । कार्यक्रमको प्रमुख आकर्षण कजारिया रमेश टायल्सको नयाँ अन्तर्राष्ट्रिय गुणस्तरको ३०x६० सिएम सिरेमिक वाल टायलको भव्य सार्वजनिक प्रदर्शन गरियो ।

आधुनिक प्रविधिले बनेको यस टायलले उत्कृष्ट डिजाइन र मजबुतिको उदाहरण प्रस्तुत गरेको छ । नेपालमा पहिलो पटक यसलाई प्रस्तुत गर्दै कजारिया रमेश टायल्सले बजारमा ५० भन्दा बढी विशेष र स्टाइलिश डिजाइनहरू ल्याउँदैछ । कजारिया रमेश टायल्सले डिलरका लागि अर्डर बुकिङ योजना सुरू गरेको छ । जसमा अर्डर गर्ने डिलरलाई सुन र चाँदीका पुरस्कार दिइनेछ ।

कजारिया रमेश टायल्सले आफ्नो विदेश यात्रा योजनाका विजेता पनि घोषणा गरेको छ । उत्कृष्ट प्रदर्शन र योगदान देखाएका २५ जना डिलरलाई जापानको, १३ जना डिलरलाई थाइल्याण्डको र ६ जना डिलरलाई सिंगापुरको लागि टिकट वितरण गरिएको छ । यस कार्यक्रमले कजारिया रमेश टायल्सका लागि डिलर नेटवर्कलाई अझ मजबुत बनाउन र नेपालमा गुणस्तरीय उत्पादन ल्याउने प्रतिबद्धतालाई बलियो बनाउने नयाँ अध्यायको सुरुवात गरेको छ ।

कजारिया रमेश टायल्स, रमेश कर्प र कजारिया सिरेमिक्सको संयुक्त उपक्रमले, नवलपरासीमा नेपालको सबैभन्दा ठूलो टायल फ्याक्ट्री निर्माण गर्दैछ । जसमा रु.४०० करोडको लगानी गरिएको छ । यो फ्याक्ट्रीमा स्थानीय सामग्रीको प्रयोग गरी वार्षिक ८० लाख वर्ग मिटर टायल उत्पादन गरिनेछ । यसले नेपाललाई टायल्समा आत्मनिर्भर बनाउने, अर्थतन्त्रलाई विकास गर्ने, हजारौं रोजगारको अवसर सिर्जना गर्ने र विश्वस्तरीय टायल्स उपलब्ध गराउने लक्ष्य राखेको छ ।

 

 

 

lcci
You might also like

Comments are closed.