काठमाडौं । काठमाडौंका लागि यामाहाको स्कुटर तथा मोटरसाइकलको आधिकारिक बिक्रेता ब्लू स्क्वाएर, नक्सालले यामाहा रेजेडआर हाइब्रिड १२५ सी.सी. सेग्मेन्टको स्कुटरको माईलेज च्यालेन्ज र र्याली सफलतापुर्वक सम्पन्न गरेको छ ।
यामाहा रेजेडआर हाइब्रिड १२५ सी.सी.लाई नेपालको स्कुटर सेग्मेन्टमा सबैभन्दा उच्च माईलेज दिने स्कुटरका रूपमा गरिँदै आएको दाबीलाई सत्य साबित गर्न यस कार्यक्रमको आयोजना गरिएको हो । यामाहा रेजेडआर हाइब्रिड १२५ सी.सी. जस्तोसुकै भू–भागमा पनि सजिलै चलाउन सकिने र अरु कम्पनीका स्कुटरको तुलनामा उच्च माईलेज दिने कुरा प्रमाणित गर्न डिलरले काठमाडौंका आफ्ना २५ जना रेजेडआर हाइब्रिड १२५ सी.सी.का ग्राहकलाई माइलेज च्यालेन्जमा सहभागी गराएको छ ।
कार्यक्रम यामाहा शोरुम ब्लू स्क्वाएर, नक्सालबाट सुरु भई दक्षिणकाली भिलेज रिसोर्टमा पुगेर सम्पन्न भएको हो । स्कुटरले समतल बाटोमा मात्र नभई उकालो, ओरालो र खाल्डा खुल्डीमा समेत कस्तो पर्फमेन्स दिन्छ र कतिसम्म माइलेज प्रदान गर्छ भन्ने हेतुले उक्त स्थान रोजिएको बताइएको छ । माईलेज च्यालेन्जमा सहभागी ग्राहकलाई विभिन्न मनोरञ्जनात्मक खेलहरु खेलाउँदै रेजेडआर हाइब्रिड १२५ सी.सी.का बारेमा जानकारी समेत गराइएको छ ।
यामाहा नेपालका कार्यकारी निर्देशक तथा प्रमुख कार्यकारी अधिकृत दीपककुमार अग्रवालले रेजेडआर १२५ हाइब्रिड विभिन्न आवश्यकता र सवारको प्राथमिकता पूरा गर्न स्टाण्डर्ड, डिलक्स, प्रिमियम र प्रिमियम प्लस गरी चार स्ट्रिममा उपलब्ध रहेको बताए । उनका अनुसार १४५ एमएमको ग्राउन्ड क्लियरेन्सको साथ मात्र ९९ किलोग्राम तौलको यस हल्का स्कुटरमा युनिफाइड ब्रेकिङ सिस्टम (यूबीएस), साइड स्ट्यान्ड इन्जिन कट–अफ फङ्सन र २१ लिटर अन्डर–सीट भण्डारण जस्ता सुविधाहरू छन् ।
स्टप एण्ड स्टार्ट प्रणालीले छोटो बिसौनीमा इन्जिनलाई स्वतः स्विच अफ गरी मूल्यवान ऊर्जा बचत गरेर इन्धन दक्षता अझ बढाउँछ ।यामाहाको यस उत्साहजनक पहललाई साथ दिने सहभागीलाई धन्यवाद तथा विजेतालाई बधाई दिदै कार्यकारी निर्देशक तथा प्रमुख कार्यकारी अधिकृत अग्रवालले सेवाग्राहीप्रति आफ्नो उत्पादनको विश्वास बढाउन र सेवाग्राहीका अपेक्षाबारे जानकारी लिन यस्ता कार्यक्रमहरू आगामी दिनमा देशैभरी आयोजना गर्ने प्रतिबद्धता जनाएका छन् ।
र्यालीको समापनमा माइलेज च्यालेन्जका विजेताको नाम घोषणा गरिएको छ, जसमा ७३.३३ कि.मि. प्रतिलिटर माईलेजका साथ अनिशा श्रेष्ठ प्रथम, ६४.७२ कि.मि. प्रतिलिटर माईलेजका साथ काजल शाही द्वितीय तथा ५९.७५ कि.मि. प्रतिलिटर माईलेजका साथ शमशेर आलम तृतीय भएका छन् ।
Comments are closed.