चितवन । नेपालमा डोङफेङ ईभीको आधिकारिक वितरक एमएडब्ल्यू वृद्धिले चितवनमा आफ्नो प्रिमियम र स्मार्ट ईभी नामी सार्वजनिक गरेको छ ।
चेम्बर अफ कमर्स एन्ड इन्डस्ट्रीका अध्यक्ष सुमन श्रेष्ठ, युरो अटोमोटिभका प्रबन्ध निर्देशक कपिल सागर कर्माचार्य, एमएडब्ल्यू वृद्धि मोटर्सका बिजनेस हेड प्रशन्न पन्त र एमएडब्ल्यू वृद्धि मोटर्सका बिक्री प्रमुख राजेन्द्र सिग्देल, रत्ननगर चेम्बर अफ कमर्स एन्ड इन्डस्ट्रीका अध्यक्ष शंखर गिरी, काडाका अध्यक्ष राजन पिया, चेम्बर अफ कमर्स एन्ड इन्डस्ट्री चितवनका अध्यक्ष गोपाल भट्टराईले संयुक्त रूपमा नामी ईभी सार्वजनिक गरेका हुन् ।
आफ्नो सेगमेन्टमा सबैभन्दा विलासी र इन्टेलिजेन्ट कार नामी ईभी चितवन बजारमा नयाँ बेन्चमार्क स्थापित गर्न तयार छ । ह्याचब्याकको रूपमा वर्गीकृत भए पनि यसको आकार प्रतिस्पर्धीको तुलनामा ठूलो रहेको छ । यसको आयाम र चौडाइ यसका प्रतिस्पर्धीहरू भन्दा बढी छ र यसमा धेरै सेगमेन्ट–फस्र्ट र सेगमेन्ट–उत्कृष्ट प्रविधिहरू उपलब्ध छन् ।
कार्यक्रममा एमएडब्लू वृद्धि मोटर्सका बिजनेस हेड प्रशन्न पन्तले नामी ईभीले देशभरका ग्राहकबाट व्यापक स्वीकारोक्ति र प्रशंसा पाइरहेको बताउँदै खुशी व्यक्त गरे । खरिद निर्णय गर्नु अघि ब्रान्डको विरासत र नेपालमा वितरकको विश्वसनीयता बुझ्नुपर्नेमा उनले जोड दिए । चेम्बर अफ कमर्स चितवनका अध्यक्ष सुमन श्रेष्ठले यो भरपर्दो ब्रान्डको शुभारम्भका लागि बधाई दिदै शुभकामना व्यक्त गरेका छन् ।
सेगमेन्ट–फस्र्ट सुविधाले भरिएको नामी
नामी ईभीले आफ्नो सेगमेन्टमा विलासिता र बुद्धिमत्ताको नयाँ मानक स्थापित गरेको छ । यसको आकर्षक डिजाइनमा विलासी भित्री भाग र उन्नत स्मार्ट प्रविधि निर्बाध रूपमा एकीकृत गरिएको छ । यसमा वेलकम सिट, मेमोरी सिट, फ्रेमलेस ढोका, फ्लश ढोका ह्यान्डलहरू, अटो पार्किङ र टेबलटप सहितको यात्रु ड्रएरजस्ता सेगमेन्ट–फस्र्ट आविष्कारहरू रहेका छन् । ईभी उत्साहीका लागि उपयोगी यो भविष्यवादी ह्याचब्याक नामी ईवान, नामी ईटू र नामी ईथ्री गरी तीन भेरियन्टमा उपलब्ध छ, जसको मूल्य ने.रू. ३०.२४ लाखदेखि ने.रू. ३५.९९ लाखसम्म रहेको छ ।
नामीले लेभल २ एडीएएस, भेन्टिलेटेड र हिटेड सिटहरू, १२.८ इन्चको टचस्क्रिन इन्फोटेनमेन्ट प्रणाली, १७ इन्चको टायर, १२ अल्ट्रासोनिक रडारहरू सहितको ३६०–डिग्री क्यामेरा, अडेप्टिभ क्रूज नियन्त्रण र अटो–डिमिङ कार्यक्षमताको साथ स्टार–लाइट क्रिस्टल एलईडी हेडल्याम्प जस्ता सेगमेन्ट–उत्कृष्ट सुविधाहरू प्रदान गर्दछ । थप सुविधामा प्रोक्जीमिटी लक तथा अनलक, मल्टीकलर एम्बीयन्ट लाइट, वान–टच रेस्ट मोडको साथ फ्ल्याट–फोल्डिंग फ्रन्ट सिट, बाह्य डिस्चार्ज क्षमता, एक व्यक्तिगत टचस्क्रिन केन्द्रीय कन्सोल र एक विलासी अर्बान इन्टेरियर स्पेस समावेश छन् ।
चितवनमा सबैभन्दा ठूलो एक्सचेन्ज र टेस्ट ड्राइभ क्याम्प
शुभारम्भसँगै ग्राहकमा थप उत्साह भर्न एमएडब्लू वृद्धिले माघ २१ देखि २३ गतेसम्म भरतपुरको सीएमटी रिसोर्टमा चितवनकै सबैभन्दा ठूलो एक्सचेन्ज र टेस्ट ड्राइभ क्याम्पको आयोजना गरेको छ । जहाँ ग्राहकले यस अवधिमा विभिन्न विशेष अफरको आनन्द लिन सक्नेछन् । यसमा सेरेस र नामी ईभीको खरिदमा निःशुल्क ७ किलोवाट चार्जर, ट्रेड–इनहरूको लागि असाधारण एक्सचेन्ज मूल्य र बोनस एवम् छिटो र सजिलो अन–साइट फाइनान्सिङका विकल्पहरू रहेका छन् ।
सहभागीले कार्यक्रमभरी निःशुल्क जलपान सहित प्रत्येक टेस्ट ड्राइभ र सवारी भ्यालुएसनमा उपहारहरू प्राप्त गर्न सक्नेछन् । यो क्याम्प भर्खरै लन्च गरिएको नामी सहित नवीनतम डोङफेङ र सेरेस ईभीहरू अन्वेषण गर्न र चितवनमा भइरहेको विद्युतीय सवारी क्रान्तिमा सामेल भई सीमित अवधिका अफरको फाइदा उठाउन इच्छुकले छुटाउन नहुने कार्यक्रम हो ।
Comments are closed.