काठमाडौं । बहु–व्यापारिक कर्पोरेसन र अग्रणी भारतीय एफएमसीजी समूह धरमपाल सत्यपाल ग्रुप (डि.एस. ग्रुप) ले भारतीय एथ्निक कन्फेक्शनरी र माउथ फ्रेसनर ब्रान्डहरू लगायत आफ्ना लोकप्रिय कन्फेक्शनरीहरु नेपालमा आधिकारिक रुपमा उपलब्ध गराएको छ ।
कम्पनीको यस रणनीतिक कदमले विश्वव्यापी रुपमा विस्तार गर्दै नेपाली उपभोक्तालाई यसको प्रतिष्ठित उत्पादनसँग परिचय गराएको छ । यी उत्पादनहरु नेपालमा वितरण गर्नको लागि एलजी इन्टरनेशनललाई अन–ग्राउन्ड व्यापार साझेदारको रूपमा नियुक्त गरिएको छ ।काठमाडौंमा आयोजित एक डिलर कार्यक्रमको साथ यी उत्पादनहरु नेपालमा उपलब्ध भएको घोषणा गरिएको हो ।
कार्यक्रममा प्रमुख वितरकहरू र सरोकारवालालाई भारतीय स्वादका कन्फेक्शनरी उत्पादनसहित मिठाईका विविध रेञ्जबारे परिचय गराइएको छ । यसमा रजनीगन्धा सिल्भर पल्र्स, पास पास जस्ता ताजा माउथ फ्रेसनरहरू र पल्स क्यान्डी, लभिट र चेरियो (हार्ड बोइल्ड क्यान्डी) जस्ता लोकप्रिय क्यान्डी, च्युइङ गमहरू समावेश छन् ।
“डि.एस.ग्रुप भारतीय स्वादको कन्फेक्शनरी सेगमेन्ट सहितको आफ्नो कन्फेक्शनरीको अद्वितीय स्वाद नेपाली बजारमा ल्याउन पाउँदा उत्साहित छ,” भारतका लागि डि.एस. ग्रुपका वरिष्ठ निर्यात प्रबन्धक तनुज कुमारले भने, “हाम्रा नवीनतम उत्पादन पोर्टफोलियोले उच्च गुणस्तर र स्वादिष्ट परिकारहरू खोजिरहेका नेपाली उपभोक्तालाई आकर्षित गर्नेछ भन्ने हाम्रो विश्वास छ । नेपालभर यी उत्पादनको सफल र व्यापक उपलब्धता सुनिश्चित गर्न प्रतिबद्ध छौं, हाम्रा साझेदारलाई सहयोग प्रदान गर्न र चुस्त उपभोक्ता अनुभव प्रदान गर्न समर्पित छ ।”
नेपाली कन्फेक्शनरी बजार डि.एस. ग्रुपको लागि महत्त्वपूर्ण वृद्धिको अवसरका रुपमा रहेको छ । नेपालको समान परम्परा, विश्वास, स्वाद र प्राथमिकता, भारतीय ब्रान्डप्रतिको उच्च स्वीकार्यता तथा विशाल भारतीय पर्यटक संख्याको संयोजनले नेपाल एउटा आशाजनक बजार बनेको छ । डि.एस ग्रुपले नेपाली एफएमसीजी क्षेत्रको विकासमा योगदान पु¥याउँदै अद्वितीय यूएसपीसहित उच्च गुणस्तर र नवीन उत्पादन प्रदान गरेर पर्याप्त बजार हिस्सा कब्जा गर्ने लक्ष्य राखेको छ ।
यो विस्तारले स्थानीय अर्थतन्त्रमा योगदान पु¥याउँदै नेपालमा रोजगारीका अवसरहरू सिर्जना गर्नेछ । गुणस्तर, नवीनता र उपभोक्ता सन्तुष्टिमा डि.एस. ग्रुपको ध्यान केन्द्रित छ । जसले यो गतिशील बजारमा सफल हुन सहयोग गर्दछ । हालै डि.एस. ग्रुपको कन्फेक्शनरी डिभिजनले आर्थिक वर्ष २०२३–२४ मा वार्षिक बिक्री कारोबारमा भारु १,००० करोड पार गरेर महत्वपूर्ण उपलब्धि हासिल गरेको छ ।
भारतमा डि.एस. ग्रुप गैर–चकलेट श्रेणीमा दोस्रो ठूलो कन्फेक्शनरी उत्पादक तथा उद्योगमा सबैभन्दा ठूलो, द्रुत गतिमा बढ्दो भारतीय कन्फेक्शनरी उत्पादकमध्ये एक हो । जसले हार्ड बोइल्ड क्यान्डी र भारतीय एथ्निक कन्फेक्शनरीमा नेतृत्वदायी स्थान ओगटेको छ ।दिगोपनमा जोड दिँदै कन्फेक्शनरी उत्पादनको वितरणका लागि ८०० भन्दा धेरै विद्युतीय सवारी साधनको व्यवस्था गरिएको छ ।
स्वच्छ र सफा वातावरणमा योगदान पु¥याउँछ । डि.एस. ग्रुप ईएसजी क्षेत्रमा योजनाबद्ध गहन लगानीको साथ जिम्मेवार विस्तार तर्फ अग्रसर छ । यसको उद्देश्य डिएस डि.एस. ग्रुपलाई इमानदारीका साथ नेतृत्व गर्ने उच्चतम व्यावसायिक र नैतिक मापदण्डहरू मार्फत सन्चालन गर्नु हो र साझेदार, सहकर्मी र समाजको विश्वास कायम राख्दै जिम्मेवारीपूर्वक प्रभाव पार्नु हो । डि.एस. ग्रुप को नवीनता र गुणस्तर प्रतिबद्धताको संस्कृति डिएसएफएल व्यवसायका सबै खण्डमा स्पष्ट छ ।
कम्पनीले पल्स, पास पास, रजनीगन्धा पल्र्स, चिङ्गल्स, पल्स नाटकरे, र हालै अधिग्रहण गरिएको लभिट जस्ता प्रमुख ब्रान्डको लागि आकर्षक ब्रान्ड स्टोरीज र विशिष्ट उपभोक्ता प्रस्तावहरू तयार पारेको छ । हार्ड बोइल्ड क्यान्डी बजारको प्रतिस्पर्धात्मक प्रकृतिको बावजुद डीएसएफएलको ब्रान्ड ‘पल्स’ ले विगत ८ वर्षदेखि मार्केट लिडरको रूपमा आफ्नो स्थान कायम राखेको छ ।
प्रतिस्पर्धी भारतीय एथ्निक कन्फेक्शनरी खण्डमा डीएसएफएल आफ्नो विविध उत्पादनको साथमा अलग्गै देखिन्छ । ‘पास पास’ले स्वादको मिश्रणको आनन्द प्रदान गर्दछ भने ‘रजनीगन्धा पल्र्स’ ले एउटै स्वादयुक्त उत्पादनको अनुभव प्रदान गर्दछ । निरन्तर नवप्रवर्तन मार्फत डीएसएफएलले भारतीय स्थानीय कन्फेक्शनरीलाई ब्रान्डेड र सफलतापूर्वक व्यवस्थित बजारमा रूपान्तरण गरेको छ, जसले उपभोक्तालाई उनीहरूको प्राथमिकता अनुरूप अद्वितीय विकल्पहरू प्रदान गर्दछ ।
कम्पनीले आधुनिक भारतको स्वाद र रुचीको आफ्नो जन्मजात बुझाइको लाभ उठाएर जेन जी पुस्ताका बानीमा ध्यान केन्द्रित गरेको छ । आधुनिक व्यापार च्यानललाई बलियो बनाउँदै, प्रभावकारी मार्केटिङमा पूँजीकरण गरेको छ । उत्पादन पहुँच बढाउन नयाँ–युगका प्रविधिको प्रयोग गर्दै रणनीतिक रूपमा आफ्नो एथ्निक उत्पादन पोर्टफोलियो व्यवस्थापन गरिरहेको छ । यसले ‘क्रिएट ह्वाट इज वर्थ क्रिएटिङ्ग’ अर्थात् जे सिर्जना गर्नु उपयुक्त छ ।
Comments are closed.