महायज्ञमा १० लाख रकम सङ्कलन

दाङ । तुलसीपुर उपमहानगरपालिका–६ रजौरास्थित बैङ्कटेश लक्ष्मीनारायण मन्दिरमा अक्षय कोष स्थापना तथा मन्दिर मर्मतसम्भार, धर्मशाला निर्माण गर्ने उद्देश्यले आयोजना गरिएको श्रीमद्भागवत ज्ञान महायज्ञमा आज एकैदिन रु १० लाख सङ्कलन भएको छ ।

महायज्ञ मूल समितिका संयोजक गोविन्दप्रसाद रजौरेका अनुसार महायज्ञमा तुलसीपुर–५ का जमुनाप्रसाद गुप्ताले रु १ लाख १५ हजार दान गरेका छन् । उनले आफ्ना परिवारजनको स्मृतिमा सो रकम दान गरेका हुन् । त्यस्तै राष्ट्रिय समाचार समिति (रासस) दाङ कार्यालयकी प्रमुख नारायणी रजौरेले आफ्ना पिता उमाकान्त रजौरे, माता गीतादेवी रजौरे, श्रीमान् हरिप्रसाद अधिकारी र भाई चन्द्रमणि रजौरेको स्मृतिमा रु १ लाख ५ हजार दान गरेकीछिन् ।

यसैगरी तुलसीपुर–६ रजौराका गोविन्दप्रसाद लम्सालले रु १ लाख ११ हजार, सोही ठाउँका विजय थापाले रु १ लाख १ हजार ५०५ तथा सोही ठाउँकै नवराज रजौरेले रु १ लाख १५५ दान गरेका छन् । त्यस्तै तुलसीपुर–६ का वासुदेव अधिकारीले रु १ लाख १ हजार, संयोजक गोविन्दप्रसाद रजौरेले रु १ लाख १ सय, बाँकेको कोहलपुरका हरिनारायण आचार्यले रु १ लाख १ हजार १११ तथा सल्यानको पिपल्नेटाका ईश्वरीप्रसाद गौतमले रु ५० हजार १०५ रकम दान गरेको बताइएको छ ।

महायज्ञको मूल वाचकमा मन्दिरका मठाधिश बाल ब्रह्मचारी स्वामी श्रीकेशव चार्य (सूर्यपाकी) रहनुभएको छ । महायज्ञमा धाञ्चल, तुलादान, गोवर्धन पूजा, १००८ शालिग्राम प्रदक्षिणा एवं अर्चना, गौपूजा, व्रतबन्ध, लक्ष्यवर्ती प्रज्वलन र ८४ पूजालगायत अवसर प्रदान गरिएको छ । दान गर्ने सबैलाई आजै एक कार्यक्रमबीच सम्मान गरिएको छ । उनीहरुलाई वैष्णव परिषद् नेपालका केन्द्रीय अध्यक्ष तथा स्वामी देवराजचार्यले दोसल्ला र कदरपत्रद्वारा सम्मान गरेका थिए । रासस

 

You might also like

Comments are closed.