काठमाडौं । नेपाली बजारमा पावरफुल, स्पोर्टी डिजाइन भएको ‘एस २’ नयाँ विद्युतीय स्कुटर भित्रिएको छ । टेल्जी स्कुटरको नेपालका लागि आधिकारिक बिक्रेता योम मा ई मोटर्स प्रालिले ‘एस २’ स्कुटर टेल्जी नेपालले नक्सालस्थित शोरुममा एक कार्यक्रमका बीच स्कुटर सार्वजनिक गरेको छ ।
कम्पनीले ल्याएको स्पोर्टी स्कुटर एस २ को मूल्य २ लाख ६८ हजार रुपैयाँ तोकिएको छ । टेल्जी नेपालको निर्देशक संजिव शिल्पकारले युवालाई लक्षित गर्दै स्पोर्टी डिजाइनको स्कुटर नेपाल ल्याएको बताए । यसअघि ल्याएको लायन र टाइगर स्कुटर ग्राहकले अत्याधिक मन पराएकाले युवालाई लक्षित गर्दै स्पोर्टी डिजाइनको स्कुटर ल्याएको उनी बताउँछन् ।
बजारमा उपलब्ध धेरै स्कुटरमा सस्पेन्सन राम्रो नभएको ग्राहकको गुनासो रहेको कम्पनीका निर्देशक राजेश राजकर्निकारले बताए । यो स्कुटरको सस्पेन्सनलाई मोटरसाइकलको जस्तै कम्र्फटेबल बनाउने कोशिस गरेको र यस स्कुटरको लुक्स र पर्फमेन्स पनि मोटरसाइकल जस्तै रहेको उनले जानकारी दिएका छन् ।
कम्पनीले ल्याएको नयाँ स्कुटर एस २ को फ्रन्टमा एग्रेसिभ डिजाइन रहेको छ । फ्रन्टमा सानो साइजको भाइजर, एलइएडी डीआरएल र ट्वीन पड हेड ल्याम्प छ । एस २ स्कुटरमा कम्पनीले ३ किलोवाट रेटेड पावरको मोटर उपलब्ध छ । यो स्कुटरको टप स्पीड ७५ किलोमिटर प्रतिघण्टाको छ भने १६ डिग्री क्लाइम्ब क्षमता छ ।
यसमा कम्पनीले ७२ भोल्ट ३८ एम्पियर अवारको ग्राफिन ब्याट्री दिइएको छ । यो स्कुटरलाई एकपटक फुल चार्ज गरेर १०० किलोमिटरसम्म गुडाउन सकिने कम्पनीको दाबी छ । यसलाई ३ घण्टामा फुलचार्ज गर्न सकिन्छ । अगाडि पछाडि दुवैतर्फ डिस्क ब्रेकका साथै कम्बाइन ब्रेकिङ सिस्टम समेत दिएको छ । फुल डिजिटल कन्सोल, स्मार्ट की, अन्डर सिट स्टोरेज जस्ता फिचर पाउन सकिन्छ ।
टेल्जी नेपालले अबको केही दिनमै नयाँ टाएगर स्कुटर ल्याउने घोषणा समेत गरेको छ । योम मा ई मोटर्स प्रालिले हाल नेपालमा टेल्जीका तीन मोडलका स्कुटर बिक्री गर्दै आएको छ । कम्पनीले नेपालका मुख्य १० सहरमा आफ्नो बिक्री र बिक्री पछिको सेवा उपलब्ध गराउँदै आएको छ । टेल्जीका स्कुटरमा लाइफटाइम निःशुल्क सर्भिस उपलब्ध गराउँदै आएको कम्पनीले जनाएको छ ।
Comments are closed.