काठमाडौं । ‘खल्ती’ले करोडौँको अफर रहेको ‘द बिगेस्ट पेमेन्ट जात्रा’ को पूर्व ३ संस्करणको सफलता पछि अझै धेरै अफर, उपहार र उत्साहका साथ चौथो संस्करण सुरु गरेको छ । यस संस्करणमा खल्तीले जात्रा ब्याटल ग्राउन्ड नामक नयाँ रोमाञ्चक प्रतिस्पर्धा पनि ल्याएको छ । जहाँ हरेक हप्ता खल्ती प्रयोगकर्ताले नयाँ इन्फ्युन्सरसँग प्रतिस्पर्धा गर्नेछन् ।
यस जात्रा अन्तर्गत ५ जनाले Vespa LX १२५ जित्न सक्नेछन्, ९ जनाले Honor X8c स्मार्टफोन जित्न साथै प्रयोगकर्ताले Ultima साउन्ड बार, स्मार्ट घडी, एअर बड देखि सयौँ उपहारहरू जित्न सकिनेछ । पहिलेको संस्करणमा जस्तै हरेक खल्ती प्रयोगकर्ताले आफ्नै प्रोमोकोड बनाई आफ्नो सञ्जालमा सेयर गर्न सक्नेछन् भने हरेक दिन खुत्रुके र हरेक भुक्तानीमा स्क्र्याचकार्ड मार्फत उपहार जित्न सकिने जनाइएको छ । यस संस्करणमा खल्तीले ‘जात्रा ब्याटलग्राउन्ड’ सुरुवात गरेको छ ।
जेठ १ देखि असार ३२ गतेसम्म लागू हुने गरी यस जात्रा अवधिमा १५–१५ दिन गरी ४ राउन्ड रहेको छ । प्रत्येक राउन्डमा खल्तीबाट कुनै पनि २ भुक्तानी पूरा गर्ने प्रयोगकर्ता Vespa LX १२५ को लागि ‘लक्की ड्र’मा सहभागी हुनेछन् । हरेक राउन्डको अन्त्यमा एक भाग्यशाली विजेता घोषणा हुनेछ । ४ वटै राउन्डमा सहभागी हुने प्रयोगकर्ता बोनस राउन्डका लागि स्वतः सहभागी हुने र बोनस राउन्डको पाँचौँ Vespa LX १२५ जित्न सक्नेछन् । कुल मिलाएर एक प्रयोगकर्ताले Vespa LX १२५ जित्ने ५ वटा मौका पाउनेछन् ।
गत वर्ष जस्तै खल्तीले ‘सेयर अ कोड’ फिचरलाई निरन्तरता दिएको छ । खल्ती एपभित्र जात्रा पेजमा गएर प्रयोगकर्ताले ‘क्रेटा’ ट्याप गरी हरेक हप्ता आफ्नै प्रोमोकोड भएको कुपन बनाउन सकिनेछ । जुन सेयर गरी प्रयोगकर्ता स्वयम् खल्ती इन्फ्लुन्सर बन्न सक्नेछन् । साथीभाइले प्रोमोकोड प्रयोग गरे अफर र क्यासब्याकको लाभ लिन सक्नेछन् भने सेयर गर्नेलाई हरेक कोड प्रयोगमा १० खल्ती पोइन्ट्स प्राप्त हुनेछ । साथै हरेक हप्ता ५ मा ५ प्रयोग भएमा Honor X7B स्मार्टफोन जित्ने मौका मिल्नेछ ।
अब यस संस्करणको मुख्य आकर्षणको रुपमा ‘जात्रा ब्याटलग्राउन्ड’ रहेको छ । ‘सेयर अ कोड’ को विस्तारित खेल स्वरूप हो ‘जात्रा ब्याटलग्राउन्ड’ । जसमा हरेक हप्ता २ टोली बीच प्रतिस्पर्धा हुनेछ । एक टोलीमा हुनेछन् एक जना कन्टेन्ट क्रियटर र उनले बनाएको आफ्नो कोड । अर्को टोलीमा हुनेछन् सम्पूर्ण खल्ती फ्यानहरू र उनीहरूले बनाएका कोडहरू । जुन टोलीले लक्षित गरिएको कोड प्रयोग संख्या पूरा गर्नेछ, जित उसैको हुनेछ । पहिलो हप्ता २B Gamer ब्याटलग्राउन्डमा देखिन्छन् भने हरेक हप्ता नयाँ क्रियटर आउने खल्तीले जनाएको छ ।
दैनिक रूपमा ‘खुत्रुके’ फुटाएर विशेष कोड प्राप्त हुनेछ । हरेक दिन ‘लक्की ड्र’ मार्फत एक भाग्यशाली विजेताले साउन्ड बार, स्मार्ट घडी, एअर बड जस्ता Ultima प्रडक्टहरू जित्नेछन् भने प्रयोगकर्ताले रु. १०० भन्दा माथिको हरेक भुक्तानीमा डिजिटल स्क्र्याच कार्ड मार्फत विभिन्न किसिमका अफर र क्यासब्याकहरू प्राप्त गर्न सक्नेछन् ।
करोडौँको अफर रहेको ‘द बिगेस्ट पेमेन्ट जात्रा’ को चौथो संस्करणमा रहेको र अघिल्ला ३ वर्षका संस्करण भन्दा अझै परिष्कृत र नयाँ स्वरूपमा प्रयोगकर्ता माझ पस्किन पाउँदा उत्साहित भएको ‘खल्ती’का प्रमुख कार्यकारी अधिकृत विनय खड्काले बताए ।
Comments are closed.