काठमाडौं । मन्जुश्री फाइनान्स लिमिटेडले डिजिटल क्षेत्रमा आफ्नो उपस्थिति अझ बलियो बनाउँदै, Video KYC सेवा सार्वजनिक गरेको छ। ग्राहकको सुविधा र समय बचत गर्ने उद्देश्यले सुरू गरिएको यस सेवामार्फत अब खाता अपडेट गर्न शाखामा उपस्थित हुनु पर्ने बाध्यता हट्नेछ।
फाइनान्सले टेक-सेभी ग्राहक र विदेशमा रहेका नेपालीहरूलाई लक्षित गर्दै उक्त सेवा सुरू गरेको हो। Video KYC Solution को माध्यमबाट ग्राहकले घरमै बसेर बैंकिङ प्रक्रिया सम्पन्न गर्न सक्ने छन्।
मन्जुश्री फाइनान्सले इनोभेसन र डिजिटल एडाप्टेसनमा अग्रणी पहिचान बनाउँदै आएको छ। Video KYC सेवा सार्वजनिक गर्दै कम्पनीले डिजिटल युगमा ग्राहकको सहजता र बैंकिङ पहुँच विस्तार गर्न थप योगदान पुर्याउने जनाएको छ।
हालसम्म करिब २३ अर्ब रुपैयाँ निक्षेप संकलन र १८.६ अर्ब रुपैयाँ कर्जा परिचालन गरिसकेको मन्जुश्री फाइनान्सले निक्षेपमा आकर्षक ब्याजदर र कर्जामा सुलभ दरमार्फत ग्राहकलाई सेवा दिँदै आएको छ।
हाल कम्पनीले २७ वटा शाखा र १ विस्तारित काउन्टरमार्फत सेवा प्रदान गर्दै आएको छ। मन्जुश्री फाइनान्सले हालसम्म १ लाख ५० हजारभन्दा बढी सन्तुष्ट ग्राहक सेवा प्राप्त गरिरहेको दाबी गरेको छ।
नवीनतम प्रविधिको प्रयोगमार्फत ग्राहकलाई आधुनिक, छरितो र पहुँचयुक्त सेवा दिने लक्ष्यसहित मन्जुश्री फाइनान्सले देशकै अग्रणी फाइनान्स कम्पनीको रूपमा आफ्नो पहिचान मजबुत बनाइरहेको छ।
Comments are closed.