काठमाडौं । नेपालमा ओमोडा एन्ड जेइकु तथा iCAUR सवारीसाधनको आधिकारिक वितरक एसपीजी अटोमोबाइल्स प्रा.लि र सिद्धार्थ बैंक लिमिटेड बीच नेपाल प्रिमियर लिग(NPL)को अवसरमा ग्राहकलाई विशेष लाभ प्रदान गर्ने उद्देश्यले साझेदारी भएको छ।
यस साझेदारीअन्तर्गत सिद्धार्थ बैंकले ओमोडा एन्ड जेइकुका ग्राहकलाई सर्भिस चार्जमा विशेष छुट प्रदान गर्नेछ। साथै, सिद्धार्थ बैंकमार्फत ओमोडा एन्ड जेइकुको सवारीसाधन खरिदका लागि फाइनान्सिङ गर्ने ग्राहकले सवारीसाधन खरिदमा विशेष छुट प्राप्त गर्नेछन्। यो योजना NPL Season 3 को अवधिभर लागू हुनेछ र नेपालभर रहेका सबै आधिकारिक ओमोडा एन्ड जेइकु डिलरशिप तथा सिद्धार्थ बैंकका शाखामार्फत उपलब्ध हुनेछ। यसले देशभरका ग्राहकलाई उक्त विशेष लाभ सहज रूपमा प्राप्त गर्ने अवसर प्रदान गर्नेछ।
यो साझेदारीले नेपाल प्रिमियर लिगमार्फत नेपाली क्रिकेटको विकास र प्रवर्द्धनमा सक्रिय रूपमा योगदान गर्दै आएका दुई प्रमुख ब्रान्डलाई एकै ठाउँमा ल्याएको छ। सिद्धार्थ बैंक NPL को टाइटल स्पोन्सर तथा ओमोडा एन्ड जेइकु NPL को को-स्पोन्सरका रूपमा Season 3 मा पनि आबद्ध छन्। दुवै ब्रान्ड NPL को पहिलो सिजनदेखि नै यस प्रतियोगितासँग जोडिँदै क्रिकेटको विकास र प्रवर्द्धनमा निरन्तर सहयोग गर्दै आएका छन्। यसले नेपाली क्रिकेट तथा क्रिकेटप्रतिको नेपाली जनताको उत्साह र लगावप्रति दुवै ब्रान्डको निरन्तर प्रतिबद्धता दर्शाउँछ।
यस साझेदारीले ओमोडा एन्ड जेइकुका सवारीसाधन खरिद तथा स्वामित्व अनुभवलाई थप लाभदायी बनाउने अपेक्षा गरिएको छ। सवारीसाधन खरिद, फाइनान्सिङ तथा सर्भिस चार्जमा विशेष लाभ उपलब्ध हुने भएकाले ग्राहकले NPL Season 3 को अवधिभर यस योजनाबाट लाभ लिन सक्नेछन्।
नेपाल प्रिमियर लिगको सुरुवाती सिजनदेखि नै सहकार्य गर्दै आएका दुवै ब्रान्डले क्भबकयल घ मा पनि आफ्नो साझेदारीलाई निरन्तरता दिएका छन्। यस साझेदारीले नेपाली क्रिकेटलाई समर्थन गर्ने साझा प्रतिबद्धतालाई थप मजबुत बनाउँदै देशभरका ग्राहकलाई थप मूल्य र लाभ प्रदान गर्ने उद्देश्यलाई समेत अघि बढाएको छ।
Comments are closed.