काठमाडौं । धितोपत्र बजारमा शेयर कारोबार मापक नेप्से परिसूचक मंगलबार उच्च अंकले ओरालो लागेको छ । नेपाल स्टक एक्सचेञ्जका अनुसार कारोबार मापक नेप्से परिसूचक ७९.७९ अंकले घटेर दुई हजार ७ सय ४९.८५ मा ओर्लेको छ । दीपावलीको बिदापछि खुलेको बजार लगातार ओरालो लागेको छ ।
यस्तै, ठूला कम्पनीको शेयर कारोबार मापन गर्ने सेन्सेटिभ परिसूचक १६.०२ अंकले घटेर ५ सय १२.०२ मा ओर्लेको छ । नेप्से परिसूचक उच्च अङ्कले घटेपनि कारोबार रकम औसतमा रहेको छ । कूल २ सय २५ कम्पनीको एक करोड १९ लाख १७ हजार ७७ कित्ता शेयर छ अर्ब ५२ करोड ७७ लाख २९ हजार ५ सय ४७ रूपैयाँ मूल्यमा खरिद बिक्री भए ।
कारोबार भएका १३ वटै उपसमूहको शेयरमा पहिरो गएको छ । नेप्सेका अनुसार बैंकिङ ३५.९४, व्यापार ६४.६६, होटल तथा पर्यटन १ सय १७.६२, विकास बैंक २ सय ९७.१५, जलविद्युत् १ सय १.८४, वित्त १ सय ४४.६७, निर्जीवन बीमा ४ सय ६४.४९, उतपादन १ सय ८६.६, अन्य ८०.७५, लघुवित्त १ सय ५७.३१, जीवन बीमा ३ सय ७९.८३, सामूहिक लगानी कोष ०.३४ र लगानी २.५४ अङ्कले घटेको छ ।
कारोबारका आधारमा नबिल बैंक शीर्ष स्थानमा रहेको छ । सो बैंकको २९ करोड ८२ लाख ८१ हजार ७ सय ५२ रूपैयाँ कारोबार भयो । साहस ऊर्जा २५ करोड ७९ लाख ५४ हजार ४ सय १७ रूपैयाँ, अपि पावर कम्पनी २२ करोड ३६ लाख ६४ हजार, नेशनल हाइड्रोपावर २० करोड ९४ लाख ८७ हजार ४ सउ ३१ र प्राइम बैंक २० करोड ८९ लाख ६६ हजार ७ सय ३७ रूपैयाँ बराबरको कारोबार भई शीर्ष स्थानमा रहे ।
नेप्सेका अनुसार मानुषी लघुवित्त, साहस ऊर्जा र तेह्रथुम पावरको शेयर ९.९९ प्रतिशतले वृद्धि भई सकारात्मक सर्किट लागेको छ । त्यस्तै, युनिलिभर नेपाल १.७३ र प्राइम बैंकका लगानीकर्ताले १.५७ प्रतिशतले कमाए ।
यसैगरी, आइसिएफसी फाइनान्स र महालक्ष्मी विकास बैंकको शेयर मूल्य १० प्रतिशतले ओरालो लागेर नकारात्मक सर्किट लाग्यो । मिथिला लघुवित्त ७.४२, गुडविल फाइनान्स ६.८५ र सामुदायिक लघुवित्तका लगानीकर्ताले ६.८३ प्रतिशतले गुमाए ।
Comments are closed.