काठमाडौं । धितोपत्र बजारमा शेयर कारोबार मापक नेप्से परिसूचक मंगलबार उच्च अंकले बढेको छ । नेपाल स्टक एक्सचेञ्जका अनुसार कारोबार हुने साताको तेस्रो दिन नेप्से ६९.२२ अंकले बढेर दुई हजार ७ सय ८४.५७ मा पुगेको छ । यस्तै, ठूला कम्पनीको शेयर कारोबार मापन गर्ने सेन्सेटिभ परिसूचक १४.९२ अंकलेले बढेर ५ सय २१.४६ मा पुगेको छ ।
नेप्सेमा सुधार भए पनि कारोबार रकम भने औसतमा रहेको छ । कूल २ सय २७ कम्पनीको एक करोड ९३ हजार २ सय २१ कित्ता शेयर पाँच अर्ब ५२ १६ करोड ५० लाख ८ सउ ५७ रूपैयाँमा खरिद बिक्री भए । नेप्सेका अनुसार कारोबार भएका कूल १३ उपसमूहको शेयर नै उकालो लागेको छ । बैंकिङ ३४.३९, व्यापार ६३.४२, होटल तथा पर्यटन ७०.६, विकास बैंक १ सय ११.२४, जलविद्युत् १ सय ६४.२, वित्त ८२.३८, निर्जीवन बीमा १ सय ८८.२४, उत्पादन १ सय २८.१५, अन्य १ सय ११.७६, लघुवित्त ८९.५५, जीवन बीमा २ सय ७०.६१, सामूहिक लगानी कोष ०.१३ र लगानी १.५९ अंकले बढेको छ ।
कारोबारका आधारमा महालक्ष्मी विकास बैंक शीर्ष स्थानमा रहेको छ । सो बैंकको ३७ करोड २६ लाख ८८ हजार ४ सय ९८ रूपैयाँ बराबरको कारोबार भयो । यस्तै, नेशनल हाइड्रोपावर ३० करोड ४२ लाख १९ हजार ७ सय ९९ रूपैयाँ, अपि पावर कम्पनी २३ करोड ३६ हजार ७३ हजार ४ सय ३५ रूपैयाँ, लुम्बिनी विकास बैंक १८ करोड २४ लाख ८३ हजार रूपैयाँ र नेपाल दूरसञ्चार कम्पनी लिमिटेड १६ करोड ४३ लाख ३९ हजार २ सय ४९ रूपैयाँ बराबरको कारोबार भई शीर्ष पाँचभित्र पर्न सफल भए । मङ्गलबारको कारोबार पछि बजार पूँजीकरण ३९ खर्ब १६ अर्ब ४४ करोड ७८ लाख ४८ हजार ३ सय ८३ रूपैयाँ बराबर पुगेको छ ।
आठ कम्पनीको शेयरमा सर्किट
नेप्सेका अनुसार कारोबार भएका विभिन्न कम्पनीमध्ये आज आठ कम्पनीको शेयरमा सकारात्मक सर्किट लागेको छ । ती कम्पनीको शेयर मूल्यमा १० प्रतिशतले वृद्धि भई सकारात्मक सर्किट लागेको हो । नेपाल बङ्गलादेश बैंक, नेपाल दूरसञ्चार कम्पनी, महालक्ष्मी विकास बैंक, पञ्चकन्या माई हाइड्रोपावर, माथिल्लो तामाकोशी, मानुषी लघुवित्त र तेह्रथुम पावर कम्पनीको शेयरमा सकारात्मक सर्किट लागेको हो ।
यस्तै, विजय लघुवित्त २.३७, नेपाल एसबिआई बैंकको डिवेञ्चर २.३४, लक्ष्मी इक्विटी फण्ड १.७६, मिथिला लघुवित्त एक, एनएलजी इन्स्योरेन्सका लगानीकर्ताले ०.९५ प्रतिशतले गुमाए ।
Comments are closed.