लेखनाथ उद्योग वाणिज्य संघद्वारा आयोजित १७औं संस्करणको लेखनाथ महोत्सव फागुन २६ बाट सुरु भएको छ । महोत्सवको उद्घाटन कार्यक्रम भव्य रुपमा सम्पन्न भएको छ । उद्घाटनमा लेखनाथबासीको उपस्थिति प्रशंसनीय छ । महोत्सवको प्रचार–प्रसार राम्रो भएकाले र यहाँ क्रियाशील सबै संघसंस्थाको साथ रहेकाले सबैको प्रतिनिधित्व भएको छ । महिला तथा आमा समूह, सम्पूर्ण संघसंस्था, युवा क्लब लगायतको सक्रिय सहभागितामा झाँकी र्याली निकै आकर्षक बन्यो र उद्घाटन कार्यक्रमलाई भव्य बनाउन झाँकी र्यालीको योगदान राम्रो रह्यो ।
महोत्सव चैत ७ गतेसम्म चल्छ । उद्घाटनको दिनमा जस्तै महोत्सव अवधिभर दर्शकहरुको उपस्थिति उत्साहजनक रहनेमा हामी विश्वस्त छौं । महोत्सव स्थलमा आउने दर्शकको सुविधालाई हामीले विशेष ध्यान दिएका छौं । आउने दर्शकहरुलाई शुद्ध पिउने पानीको व्यवस्था गरेका छौं । टिकटमा आवश्यकता अनुसार माक्सको व्यवस्था पनि गरेका छौं । स्वास्थ्यप्रति सचेत छौं । संक्रामका तथा सरुवा रोग हस्पिटलको नेतृत्वमा सरकारी अस्पतालको स्टल राखिएको छ । जहाँ कोरोनाको खोप नलगाएकालाई खोपको व्यवस्था पनि गरेका छौं । बुस्टर डोजको पनि व्यवस्था छ ।
महोत्सवमा नेपाल टेलिकमले सिमकार्ड निःशुल्क वितरण गरेको छ । राष्ट्रिय तथा स्थानीय कलाकारको प्रस्तुतिले महोत्सवलाई अझै आकर्षित बनाएको छ । दर्शकको सुविधालाई मध्यनजर गर्दै टेन्टको व्यवस्था पनि गरेका छौं । वृद्ध वृद्धा र अपांगता भएका व्यक्तीहरुका लागि छुट्टै बस्ने ठाउँ व्यवस्था गरिएको छ । फ्रि वाइफाइको सुविधा पनि छ ।
महोत्सवलाई हामीले यस पटक यसअघिको भन्दा पृथक बनाउने प्रयास गरेका छौं । सधैं एउटै भन्दा पनि त्यसलाई पनि कसरी फरक, भव्य र सभ्य बनाउने भनेर हामी लागि परेका छौं ।
हामीले सम्पूर्ण राजनीतिक दल, संघसंस्था, युवा तथा महिला समूहसँग छलफल गरेर सबैलाई महोत्सवको अपनत्व दिलाएका छौं । महोत्सवलाई जाति तथा जनजातिहरुले पनि महोत्सव आफ्नै हो भन्ने सोंच्नु भएको छ । स्टेज कार्यक्रमदेखि स्टलसम्मलाई हामीले फरकपन दिने प्रयास गरेका छौं ।
लेखनाथ महोत्सवले उत्पादनदेखि लिएर उत्पादित सामग्रीको बजार प्रवद्र्धनसम्म सघाउँछ । हामीले स्थानीय उत्पादन र त्यसमा पनि कृषिसँग सम्बन्धित उत्पादित सामग्रीलाई विशेष गरेर प्राथमिकता दिएका छौं । हामीले उत्पादनमा पनि ध्यान दिएका छौं । त्यसका लागि हामीले विभिन्न समयमा सहयोग गर्दै आएका छौं । र बजारको ज्ञारेन्टी गरेर उत्पादनका लागि प्रोत्साहन पनि गरेका छौं ।
स्थानीय उत्पादनले बजार पाउने, बजार नपाउँदा ढुवानी गरेर लैजानुपर्ने सामग्री यहिं बेच्दा किसानले मूल्य पाउने, उपभोक्ताले खरिद गर्दा बिचौलिया नहुने भएको उचित मूल्यमा सामान पाउने भएकाले उत्पादक र उपभोक्ता दुबैलाई महोत्सवले फाइदा पुगेको छ । यसले गर्दा ब्यबसायीकरणमापनि सघाएको छ । अनि स्थानिय उत्पादनले पनि बजार पाएको छ ।
महोत्सवले आर्थिक विकासमा पनि महत्वपूर्ण योगदान पु¥याएको छ । स्वदेशी उत्पादनका साथै विदेशी उत्पादन पनि महोत्सवमा रहन्छन् जसले आर्थिक गतिविधीलाई चलायमान बनाउँछन् ।
कुराकानीमा आधारित
Comments are closed.