पोखरा । पोखराको लेकसाइड मानसरोबर मार्ग १४ नम्बर गल्लीमा रहेको ट्रान्क्युलिटी स्पा अब ‘स्विस इन्टरनेशनल होटल सरोबर’मा सर्ने भएको छ । होटल सरोबरबाट ट्रान्क्युलिटी स्पाको सेवा छिट्टै सञ्चालनमा आउने सञ्चालक रनिल फैंजूले जानकारी दिए ।
नेपालकै उत्कृष्ट होटल मध्येमा पर्ने स्विस इन्टरनेशनल होटल सरोबरको पहिलो तलामा ५ हजार ५ सय स्क्वायर फिट क्षेत्रफलमा स्पाको सेवा सञ्चालन हुनेछ । स्पासँगै सलून, साउना, स्टिम, ज्याकुजीको सेवा पनि उपलब्ध हुने फैंजूले जानकारी दिए ।
‘हामीले सेवालाई थप आधुनिक र परिस्कृत गर्दैछौं,’ उनले भने, ‘अब होटल सरोबरमा बृहत्तर लगानीसहित स्पाको सेवा सुरु हुनेछ ।’ अहिले पोखरामा भइरहेको भन्दा आधुनिक र पृथक तरिकाबाट सेवा प्रदान हुने उनले बताए । ‘अब हामीले पोखराकै सबै भन्दा ठूलो स्पा सञ्चालनमा ल्याउँदैछौं,’ उनले भने ।
ट्रान्क्युलिटी स्थापले पोखरामा बिगत १० वर्षदेखि सेवा प्रदान गर्दै आइरहेको छ । राजधानी काठमाडौंमा करिब १५ वर्ष अगाडिबाट सेवा प्रदान गर्दै आइरहेको ट्रान्क्युलिटी स्पाको शाखा मलेसियामा समेत छ ।
ट्रान्क्युलिटी स्पाले प्राकृतिक चिकित्सासँग सम्बन्धित विभिन्न आयुर्वेदिक थेरापी, एरोमा थेरापी, स्पाइनल थेरापी, शिरोधारा, सौना वाथ, स्टिम वाथ लगायत सेवा प्रदान गर्दै आइरहेको छ । ‘व्युटी ट्रिटमेन्ट सम्बन्धी सेवाहरु हामीले प्रदान गरिरहेका छौं,’ उनले भने ।
स्पामा अन्तर्राष्ट्रियस्तरका स्पासँग सम्बन्धित सामग्री प्रयोग गरिएको हुनाले यस किसिमको सेवाले स्वस्थ समाज निर्माण गर्न सहयोग हुने फैंजू बताउँछन् । शारीरिक थकान, मानसिक तनाव, जिउ दुखेको, नशा खुम्चिएको, भोक नलाग्ने, निन्द्रा नलाग्ने, युरिक एसिड, ब्लडप्रेसर, मधुमेह, माइग्रेन पिनास जस्ता नसर्ने रोगहरूलाई स्पा अत्यन्त उपयोगी हुन्छ ।
Comments are closed.