काठमाडौं । लगातार तेस्रो कारोबार दिन पनि सेयर बजारमा सुधार आएको छ । हिजो १६ अंकले बढेको नेप्से आज १४ दशमलव ३७ अंकले बढेर दुई हजार दुई सय ३१ दशमलव ५७ विन्दुमा पुगेको छ । आज सेयर बजार परिसूचक नेप्से दोहोरो अंकले बढेको हो ।
आज दुई सय २६ कम्पनीको २६ लाख ९४ हजार कित्ता सेयर एक अर्ब चार करोड रुपैयाँमा कारोबार भएको छ । आज सबैभन्दा धेरै माथिल्लो तामाकोसीको आठ करोड ३४ लाख रुपैयाँ बराबरको सेयर किनबेच भएको छ ।
आज बलेफी हाइड्रोपावर, मैलुङ खोला जलविद्युत् कम्पनी, सिङ्गटी हाइड्रो इनर्जी र गुराँस लघुवित्तको सेयर पाँच प्रतिशतभन्दा धेरैले बढेको छ । समग्र बजार बढे पनि कर्पोरेट विकास बैंकको सेयर सबैभन्दा धेरै सात प्रतिशतभन्दा धेरैले घटेको छ ।
Comments are closed.