काठमाडौं । नेपाली बजारमा इन्डोनेसियामा उत्पादन हुने वुलिङ एयर ईभी कार आउने भएको छ । वुलिङ एयर ईभी चाहिं इन्डोनेसियामा लोकप्रिय रहेको इलेक्ट्रिक कार हो ।
नेपालका लागि आधिकारिक वितरकको रुपमा बज्र ग्रुप अन्तर्गतको ईभी नेपाल मोटर्सले सो गाडी आगामी फेस्टिभ सिजनमा भित्र्याउने बताएको हो ।वुलिङ ईभीले इन्डोसियामा एसएआईसी र जीएमसँगको ज्वाइन्ट भेन्चरमा विभिन्न सवारी साधान उत्पादन गर्ने गरेको छ ।
ग्लोबल स्मार्ट इलेक्ट्रिक भेइकल (जीएसईभी) प्लेटफर्म, जुन प्लेटफर्ममा होङ गुवाङ मिनी ईभी र बाओजुन किवी ईभी समेत बनेका छन्, मा बनेको वुलिङ एयर ईभी फोर सिटर र थ्री डोर ह्याचब्याक हो ।
सिटी ड्राइभिङका लागि उपयुक्त सो इलेक्ट्रिक कार ३० किलोवाट वा ५० किलोवाट क्षमताको छ भने यसमा भएको लिथियम आइरन फस्फेट ब्याट्रीले ३ सय किलोमिटर सम्मको रेन्ज दिन्छ ।वुलिङ एयर ईभीको मूल्य भने पछि नै थाहा हुनेछ । त्यसैगरी यसको थप विशेषता र नेपाली बजारमा उपलब्ध हुने सेवाको वारेमा समेत त्यति बेला कम्पनीले घोषणा गर्ने बताएको छ ।
पहिले स्यानिटरी, त्यसपछि हाउजिङ एन्ड अपार्टमेन्टको व्यवसाय पश्चात मास्क र अब इलेक्ट्रिक सवारीको व्यवसायमा लाग्ने योजनाका साथ बज्र ग्रुपले कार्य गरिरहेको छ। बज्र ग्रुप अन्तर्गतको ईभी नेपाल मोटर्सले हाल लेभ्निङ इलेक्ट्रिक स्कुटरको बिक्री–वितरण समेत गरिरहेको छ ।नेपाल अटो
Comments are closed.