पोखरा । पोखराको लामाचौरस्थित अल्फा बोर्डिङ स्कुलले लामाचौर गोस्तेघाट खेलमैदानमा वार्षिक खेलकुद कार्यक्रम गरेको छ ।
प्रमुख अतिथि नेपाल ओलम्पिक कमिटिका उपाध्यक्ष तथा गण्डकी प्रदेश खेलकुद परिषदका निवर्तमान सदस्य सचिव तेजबहादुर गुरुङले अल्फा बोर्डिङ स्कुलले शैक्षिक कार्यक्रमसहित खेलकुद क्षेत्रमा खेलेको भूमिका महत्वपूर्ण रहेको बताए ।
विद्यालयका प्रशासक निराजन थापाको संयोकत्वमा भएको प्रतियोगिताको समापन समारोह विद्यालय व्यवस्थापन समितीका अध्यक्ष तथा प्राचार्य सुरेन्द्रमान सिंह भण्डारीको अध्यक्षतामा सकिएको हो । उत्कृष्ट खेल प्रर्दशन गर्ने सम्पूृर्ण खेलाडी विद्यार्थी तथा सदनलाई कार्यक्रमका प्रमुख अतिथि गुरुङले पुरस्कार प्रदान गरेका हुन् ।
विद्यालयका निर्देशक दिपक गुरुङ, सह प्राचार्य कृष्ण लम्साल, कार्यक्रम संयोजक निराजन थापा लगायतले विद्यार्थीलाई यस्ता प्रतियोगितामा सक्रिय सहभागिता जनाउनका लागि उत्साहित हुन अभिप्रेरित गरे । कार्यक्रम सञ्चालन शिक्षक सन्दिप विकले गरेका हुन् ।
Comments are closed.