काठमाडौं । प्रिस्कुलका क्षेत्रमा विशेष योगदान पर्याउने व्यक्तिहरु सम्मानित भएका छन् । एशोसिएसन अफ प्रिस्कुल एजुकेटर्स नेपाल (अपेन) र डिएभी स्कुलले शुक्रबार संयुक्त रुपमा उनीहरुलाई सम्मान गरेको अपेनका महासचिव कृष्ण बोहराले जानकारी दिए ।
कृष्णकुमारी थापा मगर, कुन्ति राणा, डा. मिनाक्षी दाहाल, सानु अमात्य, रेखा हमाल, अरुणा शेरचन र रेइनी डि वेटलाई विशेष सम्मान प्रदान गरिएको हो ।
त्यसैगरी उक्त अवसरमा १८ वटा प्रिस्कुलका प्रिन्सिपलहरुलाई पनि अवार्ड अभिनन्दन गरिएको छ । ६० वटा प्रिस्कुलको नोमिनेसन परेकोमा विभिन्न आधारलाई मुल्यांकन गरी १८ जनालाई अभिनन्दन गरिएको हो । अभिनन्दन हुनेहरुमा शर्मिला केसी, सम्झना ढकाल, सविता मानन्धर, रश्मी श्रेष्ठ जोशी, लक्ष्मी क्षेत्री, वन्दना अधिकारी, निशा प्रधान, रमा भेटवाल, मुना श्रेष्ठ, हिरा नानी शाक्य, उर्मिला त्रिपाठी लगायत रहेका छन् ।
राष्ट्रिय परीक्षा बोर्डका अध्यक्ष महाश्रम शर्माको प्रमुख आतिथ्यतामा कार्यक्रम भएको हो । उक्त अवसरमा अपेनका अध्यक्ष बद्रीप्रसाद दाहाल लगायतले बोलेका थिए ।
Comments are closed.