काठमाडौं । टिम मनास्लुले ‘बिएसटी एसईई कप’ को उपाधी जितेको छ । एसईई दिएर बसेका विद्यार्थीहरुका लागि बिएसटी कलेजले आयोजना गरेको ‘बिएसटी एसईई कप’ फुटसल प्रतियोगिताको उपाधी टिम मनास्लुले जितेको हो । प्रतियोगितामा ३६ समूहको सहभागिता रहेको थियो ।
प्रथम भएका समूहमा रहेका विद्यार्थीले ८ हजार रूपैयाँ नगद, मेडल र सर्टिफिकेट पाएका छन् ।
त्यस्तै, प्रतियोगितामा धुव्रतारा समूह दोस्रो भएको छ । उनीहरुले ५ हजार रूपैयाँ नगद, मेडल र सर्टिफिकेट प्राप्त गरेका छन् ।
क्यामेलिया समूह तेस्रो भएको छ । उनीहरुले ३ हजार नगदसहित मेडल र सर्टिफिकेट प्राप्त गरेको कलेजका प्रधानध्यापक देवेन्द्रप्रसाद हडखलेले जानकारी दिए ।
विद्यार्थीहरु शारीरिक रुपमा स्वस्थ रहन सक्यो भने मात्रै मानसिकरुपमा पनि स्वस्थ रहने हुँदा उनिहरुको स्वास्थको ख्याल गरेर उक्त प्रतियोगिताको आयोजना गरिएको उनले बताए । साथै कलेजले छिट्टै नै बास्केट बल टुनामेन्टको पनि आयोजना गर्ने तयारी गरेको प्रधानध्यापक हडखलेले जानकारी दिए ।
Comments are closed.