काठमाडौं । सिटिजन लाइफ इन्स्योरेन्स कम्पनी लिमिटेडले पूर्व, मध्य–पश्चिम र काठमाडौँ उपत्यकाका क्षेत्रीय स्तरमा ‘अवार्ड सेरेमोनी एन्ड स्किल इन्हान्स्मेन्ट’ कार्यक्रम सम्पन्न गरेको छ ।
यस कार्यक्रमअन्तर्गत भदौ २१ गते सोल्टी वेस्टएण्ड, इटहरीमा पूर्व क्षेत्रका लागि, कात्तिक १४ गते टाइगर प्यालेस रिसोर्ट, सोल्टी, भैरहवामा मध्य–पश्चिम क्षेत्रका लागि, कात्तिक २१ गते टिका रिसोर्ट, लेकसाइड पोखरामा मध्य–पश्चिम क्षेत्रका लागि तथा कात्तिक २२ गते स्मार्ट प्यालेस, चाबहिल, काठमाडौंमा मध्य क्षेत्रका लागि कार्यक्रम आयोजना गरिएको छ ।
सिटिजन लिडरहरूबीच आत्मविश्वास, प्रेरणा र आपसी सहकार्य (फेलोशिप) प्रवद्र्धन गर्नुका साथै बिक्री सीपमा नवीकरण गर्दै अझ पेशेवर लिडरहरू तयार पार्नु नै कार्यक्रमको उद्धेश्य रहेको छ । प्रत्येक कार्यक्रममा २५० देखि ३६० जनासम्म सहभागी थिए ।
कार्यक्रमका क्रममा आर्थिक वर्ष २०८१/८२ का ‘ब्रोनज क्लब’ क्वालिफायरलाई सम्मान गरिनुका साथै विभिन्न दिनमा ‘हिरो अफ द डे’ उपाधि प्राप्त लिडरलाई पनि पुरस्कार प्रदान गरिएको छ । तालिम सत्र कम्पनीका ट्रेनिङ विभाग प्रमुख, प्रमुख व्यवसाय अधिकृत, प्रमुख बजार व्यवस्थापन अधिकृत र प्रमुख कार्यकारी अधिकृतद्वारा संचालन गरिएको हो ।
सिटिजन लाइफ इन्स्योरेन्स कम्पनी लिमिटेडले सधैं आफ्नो लिडरहरूमा सकारात्मक ऊर्जा र खुसी फैलाउने विश्वास राख्दै आएको छ । कम्पनीका अनुसार कडा परिश्रम गर्ने लिडरहरूको सम्मान र पुरस्कृत गर्नु कम्पनीको नीति तथा संस्कृतिको अभिन्न अङ्ग हो ।
आगामी दिनमा पश्चिम तथा हेटौँडा क्षेत्रका कार्यक्रमहरू पनि सम्पन्न गरिने कम्पनीले जानकारी दिएको छ ।
Comments are closed.