७६४ जना संक्रमित थपिए

काठमाडौं । पछिल्लो २४ घण्टामा देशभर ७६४ जनामा कोरोना भाइरस संक्रमण पुष्टि भएको छ । स्वास्थ्य तथा जनसङ्ख्या मन्त्रालयले शुक्रबार सार्वजनिक गरेको तथ्याङ्कअनुसार १० हजार ६८८ जनामा कोरोना परीक्षण गर्दा सो सङ्ख्यामा संक्रमण पुष्टि भएको हो ।

आज थपिएकासँगै देशभर सक्रिय संक्रमित सङ्ख्या १५ हजार ६१४ रहेका छन् । पाँच सय बढी संक्रमित भएका जिल्ला आठ र २०० बढी संक्रमित भएका जिल्ला २० छन् । पाँच सयभन्दा बढी संक्रमण हुने जिल्ला मोरङ, सुनसरी, झापा, काठमाडौं, ललितपुर, भक्तपुर, कास्की र रुपन्देही छन् । संक्रमण दर १८.७ प्रतिशत छ । सो अवधिमा एक हजार ३३ जना संक्रमणमुक्त भएका छन् । हालसम्म सात लाख ७४ हजार १७३ जना संक्रमणमुक्त भइसकेका छन् । नेपालमा संक्रमणमुक्त हुने दर ९६.७ प्रतिशत छ ।

यस्तै संक्रमणबाट आज १० जनाको मत्यु भएको छ । अहिलेसम्म संक्रमणबाट ११ हजार २१० जनाको मृत्यु भइसकेको छ । हाल देशभर ३१३ जना सघन उपचार कक्ष (आइसीयू), ११३ जना भेन्टिलेटर, १४ हजार ४६१ जना होम आइसोलेसन, एक हजार १५३ जना संस्थागत आइसोलेशन र २४१ जना क्वारेन्टिनमा छन् । आज ४३ हजार ९४१ जनाले कोरोना भाइरस विरुद्धको खोप लगाएका छन् । हालसम्म ८० लाख ४१ हजार ५९४ पहिलो मात्रा र ६४ लाख ४१ हजार ६३२ पूर्णमात्राको खोप लगाइसकेका छन् । रासस

You might also like

Comments are closed.