काठमाडौं । युरोपमा चाङआनको ईभी ब्राण्ड दीपल सार्वजनिक भएको छ । चाङआन अटोमोबाइलले जर्मनीमा ‘शेयरिङ द फ्युचर’ थिमको आफ्नो ब्रान्ड लन्च कार्यक्रममा युरोपका लागि आफ्ना तीन प्रमुख ब्रान्डहरू CHANG-AN, DEEPAL र AVATR आधिकारिक रूपमा सुरु गरेको छ ।
यो माइलस्टोन चाङआनको ‘भास्ट ओसन प्लान’ अन्तर्गत प्राविधिक नवप्रवर्तन र दिगोपनप्रतिको प्रतिबद्धतालाई सुदृढ पार्ने एक नयाँ चरण हो । अनुसन्धान, उत्पादन, आपूर्ति श्रृंखला, बिक्री र सञ्चालनमा फैलिएको पूर्ण रूपमा एकीकृत युरोपेली इकोसिस्टमको साथ चाङआनले लोकल ट्यालेन्टमा लगानी र क्षेत्रीय साझेदारसँग सहकार्य गरेर अनि इन्टेलिजेन्ट र दिगो मोबिलिटीको भविष्यलाई अगाडि बढाएर युरोपेली उपभोक्तासँगको आफ्नो सम्बन्धलाई गहिरो बनाउँदैछ ।
कार्यक्रममा चाङआनले CHANG-AN E07 र DEEPAL S05 सँगै युरोपेली डेब्यूको रूपमा DEEPAL S07 पनि प्रदर्शन ग¥यो । जसको लन्च पछिल्लो चरणको लागि तय गरिएको थियो । बुद्धिमत्ता र विद्युतीकरणमा अत्याधुनिक प्रविधिका साथ चाङआनले युरोपको लागि उच्च प्रदर्शन गर्ने विद्युतीय सवारी साधनको माग पूरा गरिरहेको छ ।
६ देश र दस स्थानमा फैलिएको R&D प्रणालीद्वारा सञ्चालित चाङआनको टेक्निकल इनोभेसन विश्वव्यापी रूपमा मान्यता प्राप्त छ । यसमा ३१ देश र क्षेत्रबाट आउने १८ हजार भन्दा बढी च्७म् कर्मचारीहरू कार्यरत छन् । जसमा १६ प्रविधि अनुसन्धान र उत्पादन विकास केन्द्रहरू, १७ प्रविधि कम्पनी र १८० प्रयोगशाला रहेका छन् । यसलाई युरोपेली ईभी बजारको एक प्रमुख भागको रूपमा स्थान दिन्छ ।
युरोपेली सुरुवातको एक हिस्साको रूपमा चाङआनले सुरुमा नर्वे, डेनमार्क, जर्मनी, नेदरल्याण्ड्स र बेलायत जस्ता प्रमुख ईभी बजारमा ध्यान केन्द्रित गर्दै बजार प्रवेशको औपचारिक रणनीति अपनाउँदैछ । सन् २०२८ सम्ममा कम्पनीले सबै प्रमुख युरोपेली बजारमा उपस्थिति जनाउने योजना बनाएको छ । नेदरल्याण्ड्समा अवस्थित युरोपेली मुख्यालयले व्यापार सञ्चालनको केन्द्रको रूपमा काम गर्नेछ । बिक्री कम्पनीको मुख्यालय जर्मनीको म्युनिखमा स्थापना गरिएको छ । हाल युरोपभरी लगभग ५ सय कर्मचारीहरू कार्यरत छन् ।
इटाली र बेलायतका अनुभवी डिजाइनर र इन्जिनियरहरू पनि समावेश छन् । इनोभेसन र बजार संलग्नतालाई अगाडि बढाउनका लागि आफ्नो लोकल ट्यालेन्ट पूल विस्तार गर्न कम्पनी प्रतिबद्ध छ । चाङआन अटोमोबाइलका अध्यक्ष झु हुआरोङले यस वर्ष विश्वव्यापी रूपमा ३० लाख युनिट बिक्री गर्ने लक्ष्य राखेको र १० लाख विद्युतीकृत सवारी साधनहरू हुने बताए । सन् २०३० सम्ममा प्रति वर्ष ५ लाख सवारी साधनहरू डेलिभर गर्ने लक्ष्य राखेको र जसमा ३० लाख विद्युतीकृत हुने उनले जनाए ।
चाङआन अटोमोबाइलले टेक–ड्रीभन इनोभेसन, इन्टेलिजेन्ट निर्माण र दिगो विकासलाई केन्द्रमा राखेर आफ्नो विश्वव्यापीकरणलाई तीव्र पार्दै विश्वस्तरीय अटो ब्रान्ड निर्माण गर्न प्रतिबद्ध छ । युरोपमा ब्रान्डको यस सुरुवात चाङआनको विश्वव्यापी उपस्थितिमा एक महत्वपूर्ण कदम हो । जसले विश्वव्यापी दृष्टिकोणको अर्को चरणलाई संकेत गर्दछ ।
चाङआन अटोमोबाइलको बारेमाः
चाङआन अटोमोबाइल एक इन्टेलिजेन्ट लो–कार्बन मोबिलिटी प्रविधि कम्पनी हो । जसमा ३१ देशका ९१५ भन्दा बढी विशेषज्ञहरू, चाङ–आन, डीपल, एभीएटिआर जस्ता विविध ब्रान्ड एवम् चाङआन फोर्ड, चाङआन माज्दा र जेएमसी जस्ता संयुक्त उद्यमहरू छन् । चाङआनको बलियो उत्पादन फैलावट र विविधता रहेको यसमा यात्रुवाहक सवारी साधन, पिक–अप र हल्का व्यावसायिक सवारी साधनहरू समावेश छन् ।
प्रविधि इनोभेसनद्वारा सञ्चालित बलियो क्षमता र औद्योगिक स्तरोन्नतिको साथमा दिगो मोबिलिटी इनोभेसनको लागि प्रतिबद्ध चाङआन अटोमोबाइल विश्वस्तरीय अटो ब्रान्ड बन्ने बाटोमा छ ।
Comments are closed.