काठमाडौं । काठमाडौंको चाबहिलमा रहेको एलिक्सर एकेडेमीमा एसइई उत्तीर्ण विद्यार्थीलाई बधाई तथा शुभकामना र कक्षा ११ मा भर्ना भएका विद्यार्थीलाई स्वागत कार्यक्रम सम्पन्न भएको छ ।
कार्यक्रममा बोल्दै एकेडेमीका रबिन दाहालले एलिक्सर एकेडेमीले स्वदेशमै अन्तर्राष्ट्रियस्तरको शिक्षा प्रदान गर्न सफल रहेको बताए । एकेडेमी स्थापनाको १५ वर्ष भएको छ । यो अवधिमा विद्यार्थी तथा अभिभावकबाट प्राप्त भएको मायाकै कारण एकेडेमी सफल भएको उनले बताए ।
विद्यार्थी, अभिभावक, शिक्षक तथा विद्यालय कर्मचारीका कारण नै विद्यालय सफल भएको र अहिलेको अवस्थामा आएको कार्यकारी निर्देशक संगिता सिंह दाहालले बताइन् ।
‘गुणस्तरीय शिक्षामा हामी प्रतिबद्ध छौं,’ उनले भनिन्, ‘यही कारण एकेडेमीले विद्यार्थी र अभिभावककोे विश्वास जित्न सफल भएको छ ।’
कक्षा १२ का विद्यार्थीद्वारा आयोजित उक्त कार्यक्रममा विद्यार्थीले आफ्ना प्रतिभा प्रदर्शन गरेका थिए ।
Comments are closed.