काठमाडौं । नेपाल फुटवेयर म्यानुफ्याक्चर्स एसोसिएसन अफ नेपालद्वारा आयोजित ‘दसैं जुत्ता चप्पल व्यापार मेला’ जारी छ । पाँचौै दिन बिहीबारसम्म मेलामा अवलोकनकर्ताको उत्साहजनक उपस्थिति रहेको अध्यक्ष नानीराज घिमिरेले बताए ।
भदौ ५ गतेबाट सुरु भएको मेला २० गतेसम्म चल्नेछ । हरितालिका तीज नजिकिएसँगै मेलामा तीजका लागि जुत्ता चप्पल खरिद गर्नेहरुको आकर्षण देखिएको एसोसिएसनका उपाध्यक्ष एवं मेला संयोजक सुरज बन्जाडेले जानकारी दिए ।
‘तीजका लागि सस्तोमा जुत्ता चप्पल खरिद गर्ने अवसर मेलाले प्रदान गरेको छ,’ उनले भने, ‘तीजकै लागि भनेर धेरैले जुत्ता चप्पल खरिद गरिरहनुभएको छ । आगामी दिनमा यो क्रम अझै बढ्नेमा हामी विश्वस्त छौं ।’
मेलामा नेपालका चर्चित ब्राण्डका कम्पनीहरु सहभागी भएकाले गुणस्तरीय जुत्ता चप्पल खरिद गर्न सकिने एसोसिएसनका पूर्व अध्यक्ष होमनाथ उपाध्याय बताउँछन् । मेलामा जुत्ता चप्पल खरिद गर्दा १५ देखि ५० प्रतिशतसम्म छुट प्रदान भइरहेको उनले जानकारी दिए ।
स्वदेशी ब्राण्डको प्रवद्र्धन गर्न मेला आयोजना गरिएको आयोजकको भनाइ छ ।
Comments are closed.