काठमाडौं । फोटोनले आफ्नो लोकप्रिय पिकअप मोडेल फोटोन टुनल्याण्डका ग्राहकका लागि रोमाञ्चक ‘जिरो कस्ट अफर’ घोषणा गरेको छ । यो लिमिटेड टाइम अफर अन्तर्गत ग्राहकले ३ वर्ष वा १२ पटकसम्मको निशुल्क प्रिभेन्टिभ मेनटेनेन्स सर्भिसको सुविधा पाउनेछन् ।
यस अफरले टुनल्यान्डका मालिकलाई सर्भिस खर्चको चिन्ता बिना नै आफ्नो गाडी मर्मत गर्न सजिलो बनाउनेछ । यो अफर ३१ अक्टोबर २०२५ सम्म मान्य रहनेछ । निःशुल्क मर्मत सेवामा एयर फिल्टर, डिजेल फिल्टर, एसी फिल्टर, इन्जिन ओइल, गियर ओइल र क्राउन ओइल जस्ता महत्वपूर्ण कम्पोनेन्ट समावेश छन् । यी कम्पोनेन्टले गाडीलाई उच्च स्तरमा पर्फर्मेन्स दिन र कार्यक्षमता बढाउन मद्दत गर्छन् ।
फोटोनले यी पाट्र्सको निःशुल्क मर्मत सेवा उपलब्ध गराएर ग्राहकलाई झन्झटमुक्त ड्राइभ अनुभव दिलाउने र गाडीको भरपर्दो पर्फर्मेन्सलाई निरन्तरता दिने उद्देश्य राखेको छ । तर, ध्यान दिनु पर्ने कुरा के हो भने यो सेवा माथि उल्लेख गरिएका पाट्र्सहरूमा मात्र सीमित रहनेछ ।टुनल्याण्डलाई नेपाली बजारमा एक शक्तिशाली, टिकाउ र भरपर्दो बहुउपयोगी सवारीका रूपमा विश्वास प्राप्त छ । यो मोडेल लगातार नेपालका सबैभन्दा धेरै बिक्री हुने पिकअपमध्ये एक रहँदै आएको छ ।
‘जिरो कस्ट अफर’ ले फोटोनलाई ग्राहक सन्तुष्टि र भ्यालुमा केन्द्रित हुन अझ प्रतिबद्ध बनाएको छ । यस अफर मार्फत कम्पनीले आफ्ना ग्राहकसँगको सम्बन्धलाई अझ सुदृढ पार्दै गाडी किन्न सजिलो र फाइदाजनक बनाउने लक्ष्य लिएको छ । फोटोन यो लिमिटेड टाइम अफर मार्फत ग्राहकलाई आफ्नो नजिकको फोटोन शोरूम वा अधिकृत डिलरमा गई अफर सकिनुअघि नै यसको फाइदा लिन निमन्त्रणा गर्दछ ।
‘जिरो कस्ट अफर’ मार्फत फोटोनले पुनः एकपटक नेपालजस्तो प्रतिष्पर्धी अटोमोबाइल बजारमा आफ्नो नवीनता, भरपर्दोपन र ग्राहक सेवाप्रतिको प्रतिबद्धता प्रमाणित गरेको छ ।
Comments are closed.