काठमाडौं । हाईलाइफ फूड्सले नेपाली बजारमा नयाँ व्यावसाय थप गरेको छ । पछिल्लो समय विभिन्न उत्पादनमा जोड दिँदै आएको हाईलाइफले व्यावसायिक दायरा विस्तार गरिरहेको छ ।
व्यावसायिक दायर विस्तार गर्ने क्रममा नयाँ व्यावसायको रुपमा बासमती चामल बजारमा ल्याएको छ । नेपाली उपभोक्ताको स्वाद, पोषण र विश्वासलाई मध्यनजर गर्दै नयाँ उत्पादनको रुपमा प्रिमियम बासमती चामल बजारमा ल्याएको कम्पनीले जनाएको छ । लामो दाना, उत्कृष्ट स्वाद र प्राकृतिक सुगन्धले भरिएको यो चामल घरको भान्सादेखि रेँस्टुरेन्टसम्मका लागि उपयुक्त र गुणस्तरीय विकल्पका रूपमा प्रयोग गर्न सकिने कम्पनीको भनाइ छ ।
अन्य बासमती चामलहरूको तुलनामा हाईलाइफ फूड्सको बासमती चामल शुद्ध, सफा र पौष्ट्रिक तत्वले पूर्ण रहेको छ । नेपाली उपभोक्ताको माग अनुसार एक्स्ट्रा लोङ ग्रेन बासमती चामल ल्याएको कम्पनीका अध्यक्ष अम्बिकाप्रसाद पौडेलले बताए । उनका अनुसार ‘जिआई राइस’ डायबेटिक बिरामीका लागि पनि उपयुक्त हुनेछ ।
“आजसम्म हाईलाइफले एफएमसिजीअन्तर्गत विभिन्न २० वटा प्रडक्ट बजारमा ल्याएका छौँ, जसमा कुरुमकुरुम चिउरादेखि, चोकोप्लस, कन्फ्लेक्स, मसौरा, बेसन, ब्रुसली, केचप, जाम, बदाम, चियासिड्स, पेस्तालगायत प्रमुखमा पर्छन्” अध्यक्ष पौडेलले भने । आजका दिनसम्म ठूलो आरोह अवरोह ब्यहोरेको उल्लेख गर्दै अब एफएमसिजीमा नयाँ ढंगले लैजाने र उपभोक्ताको पहिलो रोजाइको कम्पनी बनाउने योजनाका साथ अगाडि बढाइरहेको उनको भनाइ छ ।
हाईलाइफ फूड्सका प्रबन्ध निर्देशक पंकज ज्ञवालीले प्रत्येक नेपाली परिवारलाई गुणस्तरीय, पौष्ट्रिक र सुलभ खाद्यान्न उपलब्ध गराई स्वस्थ जीवनशैलीलाई प्रवद्र्धन गर्ने उद्देश्यमा कम्पनी प्रतिबद्ध रहेको बताए । उनका अनुसार हाईलाइफ प्रिमियम बासमती चामल स्वादिलो हुनुका साथै स्वास्थ्यवद्र्धक समेत छ ।
हाल हाईलाइफ प्रिमियम बासमती चामल देशभरका खुद्रा विक्रेता, सुपरमार्केट तथा अनलाइन प्लेटफर्ममा विभिन्न तौल र आकर्षक प्याकेजिङमा उपलब्ध रहेको कम्पनीले जनाएको छ । यसले गुणस्तर र मूल्यबीचको सन्तुलन कायम राख्ने कम्पनीको दाबी छ । हाईलाइफको चामल १ किलो, ५ किलो र २० किलोमा बजारमा उपलब्ध हुनेछ ।
हाईलाइफ फूड्स विगतदेखि नै चिउरा, कर्नफ्लेक्स, चोको प्लस, सोयाबिन, ओट्स, आटा, चियापत्ती, बेसन र अन्य स्वास्थ्यकर खाद्यवस्तुको उत्पादन तथा वितरण गर्दै आएको छ । कम्पनीले किसान, उपभोक्ता र समुदायलाई लक्षित गर्दै रोजगार सिर्जना र उत्पादन क्षमता वृद्धिबाट मुलुकको आर्थिक विकासमा योगदान दिँदै आएको छ ।
अत्याधुनिक प्रविधि, अनुसन्धान तथा डिजिटल युग अनुकुल सेवा प्रणालीमार्फत उद्योगमा अग्रणी भूमिका खेल्ने हाईलाइफ फूड्सको लक्ष्य छ । गुणस्तरलाई पहिलो प्राथमिकतामा राख्दै कम्पनीले प्रत्येक उत्पादनमा उच्चतम मापदण्डको पालना गर्ने जनाएको छ ।
उपभोक्ताको आवश्यकता र जीवनशैली अनुसार नवीन उत्पादन विकास, गुणस्तरमा सम्झौता नगरी सबैका लागि सुलभ उत्पादन उपलब्ध गराउने, सरोकारवालासँग पारस्परिक सम्मान र सहकार्य, इमानदारी तथा पारदर्शिता कम्पनीका मूल सिद्धान्त हुन् । दीर्घकालीन विश्वसनीयता र सुदृढ व्यवस्थापन क्षमतामा केन्द्रित रही कम्पनी अघि बढिरहेको छ ।
Comments are closed.