काठमाडौं । धितोपत्र बोर्डले दुई कम्पनीलाई आईपीओ निष्कासन गर्न अनुमति दिएको छ । बोर्डले आदर्श लघुवित्त वित्तीय संस्था र राप्ती हाइड्रो एण्ड जनरल कन्स्ट्रक्सन लिमिटेडलाई आईपीओ निष्कासन गर्नको लागि अनुमति दिएको हो । यी दुवै कम्पनीलाई बोर्डले मंगलबार (जेठ १०) गते अनुमति दिएको थियो ।
आदर्श लघुवित्तले ६७ हजार कित्ता आईपीओ निष्कासन गर्न बोर्डबाट अनुमति पाएको छ। कम्पनीको सेयर निष्कासन तथा बिक्री प्रबन्धकमा बिओके क्यापिटल मार्केट लिमिटेड रहेको छ ।
त्यस्तै, राप्ती हाइड्रो एण्ड जनरल कन्स्ट्रक्सन लिमिटेडले २९ लाख ४१ हजार ४१० कित्ता आईपीओ निष्कासन गर्न बोर्डबाट अनुमति पाएको छ । कम्पनीले पहिलो चरणमा स्थानीय बासिन्दाको लागि आईपीओ निष्कासन गर्नेछ । राप्तीको सेयर निष्कासन तथा बिक्री प्रबन्धकमा सिद्धार्थ क्यापिटल लिमिटेड रहेको छ ।
Comments are closed.