नाडा अटोमोबाइल्स एसोसिएसन अफ नेपालले वर्षेनी अटो शो आयोजना गर्दै आइरहेको छ । यस पटक १७औं संस्करणको ‘नाडा अटो शो’ भदौ ३ देखि ८ गतेसम्म भृकुटीमण्डप काडमाडौंमा हुँदैछ । नाडाले यस पटकको अटो शो पृथक र ऐतिहासिक हुने दावी गरिरहेको छ । यसै सन्दर्भमा नाडाका अध्यक्ष करण कुमार चौधरीसँग गरिएको संक्षिप्त कुराकानीः
नाडा अटो शोको तयारी पूर्ण उत्साह र प्रतिबद्धताका साथ अगाडि बढिरहेको छ । यस वर्ष हामी अघिल्ला सबै संस्करणहरूभन्दा अझ भव्य, व्यवस्थित र दर्शकमैत्री शो प्रस्तुत गर्ने लक्ष्यसहित अघि बढेका छौँ । ग्राहकको चासो र सहभागिता अझ बढाउने उद्देश्यले नाडा आयोजक समिति, इभेन्ट पार्टनरहरू तथा सम्बन्धित सबै निकायहरू एक जुट भई योजनाबद्ध रूपमा तयारीमा जुटिरहेका छन् । यो वर्ष सय भन्दा बढी स्टल रहने अपेक्षा गरिएको छ, जसमा अटोमोबाइल ब्रान्डहरू, स्पेयर पाट्र्स, लुब्रिकेन्ट्स, एक्सेसोरिज, फाइनान्स, इन्स्योरेन्सलगायतका विभिन्न क्षेत्रका प्रतिनिधित्व रहनेछ । शोको विस्तृत विवरण, सहभागिहरूको नामावली र विशेष आकर्षणहरूका बारेमा जानकारी आगामी श्रावण २० गते आयोजना हुने औपचारिक पत्रकार सम्मेलनमार्फत सार्वजनिक गरिनेछ ।
नाडा अटो शो नेपाली अटोमोबाइल क्षेत्रका ग्राहकका लागि मात्र एक प्रदर्शनी होइन-यो त्यो विशेष अवसर हो जहाँ एकै स्थानमा थुप्रै ब्रान्ड, नयाँ विकल्पहरू, आकर्षक अफरहरू मात्र होइन, नेपाली अटो बजारको वर्तमान स्थिति र भविष्यको दिशा दुवै देख्न पाइन्छ । यस पटकको संस्करण अझ विशेष, अझ ऐतिहासिक बन्न गइरहेको छ-जहाँ ग्राहकले अटोमोबाइल क्षेत्रको गौरवपूर्ण यात्रा (legacy) र भविष्यलाई बदल्ने प्रविधि तथा इनोभेसनलाई एउटै छानामुनि प्रत्यक्ष अनुभव गर्न पाउनेछन् । पेट्रोलदेखि इलेक्ट्रिक, परम्परादेखि स्मार्ट कनेक्टिभिटीसम्मको समग्र यात्राको प्रतिबिम्ब प्रस्तुत गर्ने यो शो, अटो क्षेत्रको नयाँ युगमा प्रवेश गर्ने एक ऐतिहासिक मोड हुनेछ । यो अनुभव नाडा अटो शोको इतिहासमै पहिलोपटक यति व्यापक, प्रभावशाली र अविस्मरणीय बन्नेछ ।
यो पालिको अटो शो साँच्चिकै रोमाञ्चक र विशेष हुनेछ । नेपालमै पहिलो पटक देखिने नयाँ आकर्षणहरूले यसलाई अझ अविस्मरणीय बनाउनेछन् । नेपाली ग्राहकले पहिलोपटक लिगेसी (Legacy) र फ्युचर (Future) को अद्भुत संयोजनलाई एउटै स्थानमा प्रत्यक्ष रूपमा अनुभव गर्न पाउनेछन् ।
यो अटो शोको अर्को महत्वपूर्ण पाटो हो-विशेष अफरहरू । नाडामा उपलब्ध हुने अफरहरू त्यस्ता हुन्छन्, जुन वर्षभरि कहिल्यै नपाइने खालका हुन्छन् । हरेक ब्रान्ड र प्रदर्शनकर्ताले ग्राहकको ध्यान तान्नका लागि विशेष छुट, एक्स्चेन्ज योजना, फाइनान्सिङ सुविधादेखि लिएर आकर्षक गिफ्टहरूसम्मका अफरहरू प्रस्तुत गर्छन् । यसपालि पनि ती अफरहरू झनै आकर्षक र प्रतिस्पर्धात्मक हुनेछन् । नाडा अटो शो एकदमै उपयुक्त स्थान हो, जहाँ तपाईंले चाहनुभएको सवारी मात्र होइन, उत्कृष्ट डिल र विशेष सुविधा पनि सँगसँगै पाउनुहुनेछ । यो अवसरले ग्राहकलाई आर्थिक रूपमा फाइदाजनक मात्र होइन, सहि निर्णय गर्न पनि सहयोग पुर्याउनेछ ।
अवश्य, यसपालिको अटो शोमा हेर्न लायक धेरै कुरा हुनेछन् । विभिन्न ब्रान्डहरूले विशेष रूपमा यो शो लक्षित गर्दै नयाँ मोडलहरू सार्वजनिक गर्ने तयारी गरिरहेका छन् । अहिले सबै विवरण खुलाउन सम्भव छैन, तर सही समयमा ती रोमाञ्चक खुलासा हुनेछ र त्यो क्षण पर्खनलायक नै हुनेछ ।
नाडा अटो शो अटोमोबाइल क्षेत्रको सबैभन्दा ठूलो उत्सव हो । एक यस्तो प्लेटफर्म जहाँ यति धेरै सम्भावित ग्राहकलाई एउटै ठाउँमा भेट्ने मौका वर्षभरि कहिल्यै पाइँदैन । त्यही भएर सबै ब्रान्डहरू यो अवसरलाई अधिकतम उपयोग गर्न पूर्ण प्रतिबद्धताका साथ प्रस्तुत छन् । नाडा अटो शोले कुनै पनि ब्रान्डको वर्षभरिको बजार रणनीतिमा टोन सेटिङ (Tone-setting) भूमिका खेल्दछ । यही कारणले गर्दा सबै ब्रान्डहरू यसपटक झनै उत्साहित, तयार र प्रतिस्पर्धात्मक छन् ।
यो वर्षको नाडा अटो शो २०८२ इतिहासकै सबैभन्दा विशेष, जीवित र फरक संस्करण हुनेछ । यो केवल प्रदर्शनी होइन, नेपालकै अटोमोबाइल यात्राको गौरवशाली अतीत र भविष्यको सम्भावनाबीचको जीवित संगम हो । यसपटकको शो अघिल्ला संस्करणहरू भन्दा सबै हिसाबले अद्वितीय हुनेछ-रूप, उद्देश्य र प्रभावमा । अटो उद्योगको समृद्ध लेगेसी र नवीनतम प्रविधिको यस्तो संयोजन प्रस्तुत गरिनेछ, जुन नेपाली बजारमा अहिलेसम्म देखिएको छैन । विभिन्न ब्रान्डहरूबाट प्रस्तुत गरिने विश्वस्तरीय नयाँ मोडेलहरू, ट्रेन्डसेटिङ टेक्नोलोजीहरू र डिजाइनका नवीनतम आयामहरूले ग्राहक, प्रविधिप्रेमीहरू र मोबिलिटी इनोभेटरहरूलाई उत्साहित गर्नेछन् । म सम्पूर्ण ग्राहक वर्गलाई हार्दिक आमन्त्रण गर्न चाहन्छु-डा अटो शो २०८२ तपाईंका लागि केवल सवारीसाधनको प्रदर्शनी होइन, भविष्यको गन्तव्य अनुभूत गराउने अविस्मरणीय अनुभव हुनेछ ।
साथै, म सरकार, नीति निर्माता, व्यावसायिक साझेदारहरू र सरोकारवालाहरूलाई गम्भीर आग्रह गर्न चाहन्छु-नेपालमा अटोमोबाइल अब विलासिता होइन, आवश्यकता हो । यो राष्ट्रको रोजगारी, राजस्व, वित्तीय प्रवाह र पूर्वाधार विकाससँग जोडिएको मेरुदण्ड हो । त्यसैले, अटोमोबाइल क्षेत्रको दिगो भविष्य सुनिश्चित गर्न अब स्पष्ट, स्थिर र दीर्घकालीन नीतिगत प्रतिवद्धता अपरिहार्य छ । नाडा अटो शो २०८२ एउटा प्रदर्शनी मात्र होइन-यो एक ट्रान्सफर्मेसनल मोमेन्ट हो, जहाँ नेपालको अटोमोबाइल भविष्यको नयाँ अध्याय सुरु हुँदैछ ।
Comments are closed.