पोखरा । पोखराको गैह्रापाटनमा अवस्थित कुमुदिनी होम्स माध्यमिक विद्यालयमा अभिमुखिकरण कार्यक्रम सम्पन्न भएको छ ।
आधारभूत तहमा (६ –८ ) अध्ययनरत विद्यार्थीका अभिभावकलाई लक्षित गरी ‘किशोरावस्थामा प्रवेश गरेका बालबालिकामा सामाजिक, संवेगात्मक विकास’ का सम्बन्धमा एकदिने अभिमुखिकरण कार्यक्रम आयोजना गरिएको हो ।
भाव काठमाडौंका को–फाउण्डर तथा मनोवैज्ञानिक द्वोय प्रशान्त श्रेष्ठ र चाँदनी घिमिरेले सामाजिक भावनात्मक आवश्यकताका विभिन्न पक्षहरु सम्बन्धमा सहजिकरण गरेका हुन् । यस उमेरका विद्यार्थीमा आउने हरेक किसिमको भावनाको मापन गरेर उनीहरूलाई सोहीअनुसारको सकारात्मक सोँचका साथ अभिभावक नमूना बनेर प्रस्तुत हुनुपर्ने कुरामा जोड दिइएको छ ।
भौतिक सुख सुविधामा रमाउन चाहने हिजोआजका बालबालिकाले आफ्ना अभिभावकप्रतिको जिम्मेवारीको बोध गर्नुपर्ने संस्थापक अध्यक्ष अशोक पालिखे बताउँछन् । अभिभावक राजकुमार कार्कीले यस्ता कार्यक्रमले आफ्ना छोराछोरीको मनोविज्ञान बुझ्न सहज बनाउने बताए । सहजकर्ता र अभिभावकबीच अन्तर्क्रिया समेत भएको छ ।
दोस्रो सत्रमा आधारभूत र माध्यमिक तहका शिक्षकलाई समेत एजुकेटर्स गाइड विषयका विभिन्न पक्षमा सहजिकरण गरिएको शिक्षक सुरेन्द्र सदिच्छाले जानकारी दिए ।
Comments are closed.