पोखरा ।राष्ट्रिय प्रहरी प्रशिक्षण प्रतिष्ठानको स्ट्राटेजिक कमाण्ड एण्ड मेनेजमेन्ट एस.सि एम कार्यशाला अन्तर्गत प्रहरी नायव महानिरीक्षक, प्रहरी वरिष्ठ उपरीक्षक लगायतको टोलीले पोखरा मणिपाल शिक्षण अस्पतालमा अध्ययन भ्रमण गरेका छन् ।
गत बिहिबार अस्पतालमा एक कार्यक्रमको आयोजना गरी अस्पतालको कार्यपद्धती, व्यवस्थापन, आगामी योजना र चुनौतीहरुबारे प्रहरीको उच्चस्तरीय टोलीले जानकारी लिएको हो । एस।सि।एम अन्तर्गत प्रतिष्ठानले गण्डकी प्रदेश प्रहरी कार्यालयको समन्वयमा उत्कृष्ट सेवा र व्यवस्थापन रहेको संस्थाहरु मध्ये पोखराको मणिपाल शिक्षण अस्पताल छनौट गरेको थियो । मणिपालका निर्देशक डा। अभिषेक मास्केले उपस्थितहरुलाई स्वागत गर्दै एक्सपोजर भिजिट अन्तर्गत मणिपाल छनौट गरेकोमा प्रतिष्ठानलाई धन्यवाद ज्ञापन गरे ।
सो अवसरमा अस्पतालका प्रमुख कार्यकारी अधिकृत अनिल ओडुविलले श्रब्यदृश्य मार्फत अस्पतालको परिचयका अतीरिक्त रणनितिक तथा नितीगत योजना र त्यस्को कार्यन्वयन, पोखरा मणिपाल शिक्षण अस्पतालबाट उप्लब्ध हुने सेवाहरुको किसिम तथा विशेषज्ञहरु, सेवाग्राहीहरुको व्यवस्थापन तथा गुनासोहरुको ब्यबस्थापन बारे जानकारी गराए । उनले संगठनात्मक, बिकासका चुनौतीहरु, सामाजिक, राजनीतिक, प्रशासनिक तहको व्यवस्थापन, वित्तिय तथा वातावरणिय पक्षको व्यवस्थापन, स्थानिय सरकार तथा अन्य सम्बन्धित पक्षहरुसँग कसरी समन्वय र सद्भाव कायम गर्ने भन्ने विषयबारे समेत स्पष्ट पारे ।
सिइओ अनिल ओडवीलद्वारा २ घण्टाको उक्त कोचिङ सेसनुलाई सम्पूर्ण उपस्थित महानुभावहरुले प्रशंसा गरेका थिय । जहाँ छ जना प्रहरी नायव महानिरिक्षक र १० जना प्रहरी बरीस्ट उपरीक्षहरु सहभागी थिय । कोर्स कोर्डिनेटर प्रहरी नायब महानिरीक्षक रबिन्द्र केसीले स्ट्राटेजिक कोचिङ सेसनको प्रशिक्षण दिनु भएकोमा अस्पतालका सिइेओ अनिल ओडुविललाई धन्यबाद सहित कृतज्ञता ब्यक्त गरे ।
यस्तै अस्पताल सञ्चालक समितिका निर्देशक नारायण प्रसाद पौडेलले देशको सुरक्षार्थ अहोरात्र खटिने प्रहरीसँग सहकार्य गर्दै अघि बढ्ने प्रतिवद्धतासहित धन्यवाद ब्यक्त गरे ।
प्रतिष्ठानका तर्फबाट कोर्ष को ओर्डिनेटर प्रहरी नायव महानिरीक्षक रबिन्द्र के।सीको नेतृत्वमा २० जनाको सहभागी थिए । प्रहरी नायव महानिरीक्षक के।सीले अस्पतालमा भौतिक रुपमै उपस्थित भएर अन्र्तक्रिया गर्न पाउँदा नीतिगतसँगै व्यवहारीक ज्ञान हाँसिल गरेको उल्लेख गर्दै भ्रमण फलदायी भएको प्रतिक्रिया जनाए ।
गण्डकी प्रदेश प्रहरी कार्यालय प्रमुख प्रहरी नायव महानिरीक्षक बुद्धिराज गुरुङले मणिपालले स्वास्थ्य क्षेत्रमा गर्दै आएको योगदानको प्रशंसा गर्दै अस्पताललाई मायाको चिनो प्रदान गरेका थिए ।
Comments are closed.